Saan 2001 ka Tewokarasi cidenyabaara lakɔli

¹ Daliluw ka ca Bibulu kɔnɔ minw kama an kelen kelen bɛɛ ka kan k’an sendon ɲɛɛ bɛɛ la Tewokarasi cidenyabaara lakɔli la.—Ntal. 15:23; Mat. 28:19, 20; Kɛw. 15:32; 1 Tim. 4:12, 13; 2 Tim. 2:2; 1 Piɛre 3:15.

² Kabini wagati jan, lakɔli ka labɛn faan dɔ ye ka Bibulu kalan lɔgɔkun o lɔgɔkun. Loon o loon ka kalan be kɛɲɛ ni Bibulu ɲɛɛ kelen ɲɔgɔnna ye. Ɲinan saan na, sapitiri kalantaw bena kɛ fana seginkan sɛbɛnɛn lɔgɔkun kɔnɔ. Kalangwɛ farankan labɛn min tun dira saan saba tɛmɛnen ninw kɔnɔ, o labɛn dafara. Nka n’i b’a fɛ ka dɔ fara i ka bibulu kalan kan ka tɛmɛ o labɛn kan, i be se k’i tɔgɔla labɛn kɛ.

³ Lakɔliden N^o 2nan be balimacɛw dege “jamala kalan” na (1 Tim. 4:13). Ni kalangwɛ cii kalifara i ma, i k’i dege ka kaan bɔ siɲɛ caaman. Sosiyete ka Bibulu kalangwɛ min be kasɛtiw kɔnɔ, i be se k’o lamɛn walisa k’i ka kumadenw fɔcogo, i kaan yɛlɛmacogo, ni kalangwɛ ɲuman kɛcogo wɛrɛw fisaya.

⁴ Kalansen N^o 3nan ni N^o 4nan basiginenw be gafe Comment raisonner kan, o labɛnnen be forobaara kama. N’i tɛ se ka hakilinataw bɛɛ lajɛ wagati dantigɛnen kɔnɔ, minw be se ka kɔngeregasiyɔn nafa koɲuman, i k’olu dɔrɔn ɲɛnatɔmɔ. Kɛyɔrɔ fɛɛn o fɛɛn bɛnnen be n’i ka sigida kɔnɔkow ye, i be se ka tɛmɛ o fɛ ka baara kɛ.

⁵ I jija k’i seko bɛɛ kɛ k’i ka cii dafa lakɔli la. Wagati ta k’i yɛrɛ labɛn koɲuman, ani kuma n’i dusu ye. I bena kɛ jagwɛlɛya sababu ye kɔngeregasiyɔn fɛ, ani e yɛrɛ bena a tɔnɔ sɔrɔ, i kɛtɔ k’i sendon Tewokarasi cidenyabaara lakɔli koo la n’i dusu bɛɛ ye saan 2001 kɔnɔ.