Lakɔli min b’an kolo baara kunbaba kama

¹ Mɔgɔw be taga lakɔli la walisa ka lɔnniya sɔrɔ: lɔnniya min bena u dɛmɛ k’u ka laɲinitaw dafa ɲɛnamaya kɔnɔ. Nka laɲinita juman nafa ka bon ka tɛmɛ ɲɛnamaya Dibaga tandoli kan, ani ka mɔgɔ wɛrɛw dɛmɛ u k’a sagonataw n’a ka siraw lɔn? Dɔ wɛrɛ tɛ yen. Ala ka Mara cidenyabaara lakɔli kuun ye k’an kolo walisa an ka mɔgɔ wɛrɛw kalan an ka lanaya koo la. O kama, n’an be kɛ o lakɔli la lɔgɔkun o lɔgɔkun, an be hakilidiyaw sɔrɔ, minw b’an kolo baara kunbabaw kama.

² “Saan 2003 Ala ka Mara cidenyabaara lakɔli labɛncogo” dira An ka Masaya Cidenyabaara lankana kɔnɔ (kalo tɛmɛnen ta, faransɛkan na). Lakɔli kɛcogo yirala kelen kelen o sɛbɛ kɔnɔ. I n’a sɔrɔ, a ka nɔgɔ k’o sɛbɛ mara i ka gafe Tirez profit de l’École du ministère théocratique kɔnɔ. I ka ɲi ka na n’o gafe ye lakɔli la lɔgɔkun o lɔgɔkun. An ka Ala ka Mara cidenyabaara lakɔli faan dɔw lajɛ saan 2003 kama.

³ Kumacogo fɛɛrɛ: K’a ta zanwiyekalo la, lakɔli ka kalan bɛɛ bena daminɛ ni miniti looru kalan dɔ ye. O kalan bena ɲɛsin kumacogo fɛɛrɛ dɔ ma, wala kalangwɛ kɛcogo, kalan kɛcogo, wala mɔgɔ kalancogo. Lakɔli kɔrɔsibaga lo bena o kalan fɔlɔ kɛ. A fana be se k’o cii kalifa diinan mɔgɔkɔrɔ setigi wɛrɛ ma. O kalan dibaga be se ka kumacogo fɛɛrɛ dɔ ɲɛfɔ, ani k’a nafa yira. O kɔ, a be se ka kalan dunya, a kɛtɔ ka ɲɛyirali dɔw ta Bibulu kɔnɔ, ani ka baara kɛcogo yira n’o fɛɛrɛ ye. A ka ɲi k’a yira tigitigi cogo min na o kumacogo fɛɛrɛ be se k’an ka waajuli kɛcogo fisaya.

⁴ Cii fɔlɔ: Lɔnniya kalan kalifara balimacɛ minw ma, a ɲininen be u fɛ kokura u ka “hakilinataw nafamayɔrɔ yira ka gwɛ.” O kɔrɔ ko, baara be kɛ ni hakilinataw ye cogo min na, u k’o yira kafo la. N’o cii kalifara i ma, ladiliw lajɛ gafe École du ministère ɲɛɛw 48-9nan kɔnɔ. U bena i dɛmɛ k’i labɛn. Gafe ɲɛɛ 286nan na, barokun “Application pratique” (A kɛcogo yɛrɛ yɛrɛ) be ladili wɛrɛw sɔrɔyɔrɔ yira. O yɔrɔw sɛgɛsɛgɛ ka fara a kan.

⁵ Bibulu kalangwɛ ka labɛnsira: Ni fɔlɔ la, i ma se ka tugu Bibulu kalangwɛ ka labɛnsira la lɔgɔkun o lɔgɔkun, mun na i tɛ ŋaniya ta ka tugu a la ɲinan? Minw b’u cɛsiri k’a kɛ, u bena gɛrɛkikan Sɛbɛninw ban saan laban na. Nafa min b’a la ka Bibulu kalangwɛ daminɛ ni gɛrɛkikan Sɛbɛninw ye, o nafa yirala gafe École du ministère ɲɛɛ 10nan, dakun 4nan na.

⁶ Bibulu kalan yɔrɔ dumanw: Dɔ farala o kalan wagati kan. A kɛra miniti tan, walisa lamɛnnikɛlaw ka se ka lakalitaw kɛ lɔgɔkun ka kalangwɛ kan. O cii dira balimacɛ minw ma, u ka kan k’u janto ka to wagati dancɛ kɔnɔ. O kalan bena kɛ lɔgɔkun bɛɛ, hali dalafɔli segikanni bena kɛ lɔgɔkun minw na. I kɛtɔ ka sapitiriw kalan lɔgɔkun kɔnɔ, i ka hakilinata dɔw ɲini: minw bena i dɛmɛ gwakalan na, waajuli la, wala i ka ɲɛnamaya kɛcogo la. Jehova be mɔgɔw ni siyaw minɛ cogo min na, o b’a jogo jumanw yira? I ye mun lo kalan, min ye barika don i ka lanaya la, ani ka dɔ fara i ka waleɲuman lɔn kan Jehova koo la? Kana sigasiga ka lakalita kɛ sapitiri dɔ kan, hali cii n^o 2nan ka vɛrisew, sabu balimacɛ min bena u kalan, a tɛna lakalitaw kɛ u kan.

⁷ Cii N^° 2nan: O ye lakɔli ka kalanden fɔlɔ lo ye. Lɔgɔkun o lɔgɔkun, o cii bena kɛ kalangwɛ degeli ye foroba la. Ni kalo laban ta tɛ, o kalangwɛw bɛɛ bena bɔ Bibulu kalangwɛ yɔrɔ dɔ lo la lɔgɔkun kɔnɔ. Kalo laban ka kalangwɛ bena bɔ La Tour de Garde kɔnɔ. Kalanden bena o kalangwɛ kɛ n’a ma datigɛli kumaw wala kuncɛli kumaw fara a kan. O cogo la, a ka ɲɛnako bɛɛ bena kɛ k’a janto kalangwɛ kɛcogo fɛɛrɛw la.—1 Tim. 4:13.

⁸ Cii N^° 3nan ani N^° 4nan: Gafe Comment raisonner kɔnɔ, cii dɔw ka kunnafoniw ka ca ka tɛmɛ dɔ wɛrɛw ta kan. Kalankun dɔrɔn lo dira cii dɔ wɛrɛw kama. Kalanden minw bena o kalan sifa di, cogoya dira u ma ka sɛgɛsɛgɛri kɛ an ka gafew kɔnɔ walisa k’u ka kalan nafa bonya. O cogo la fana, balimamusow be se k’u ka ɲɛfɔliw makɛɲɛ n’u lamɛnbagaw mako ye.

⁹ Kalan kɛyɔrɔw: I n’a fɔ gafe École du ministère ɲɛɛ 45nan b’a yira cogo min na, lakɔli kɔrɔsibaga be se ka kɛyɔrɔ latigɛ. N’o tɛ, balimamusow be se k’a filɛ gafe ɲɛɛ 82nan na ka kɛyɔrɔ dɔ ɲɛnatɔmɔ. Ni balimamuso dɔ be cii sɔrɔ kalo fila o kalo fila, a be se ka baara kɛ ni kɛyɔrɔ 30 kelen kelen ye fɔɔ saan looru kɔnɔ. Kɛyɔrɔ n^o 30nan ko “Kalan kɛyɔrɔ wɛrɛ, min bɛnna i sigida cogoya ma.” Balimamuso minw b’o kɛyɔrɔ ɲɛnatɔmɔ, u ka kan k’a sɛbɛ u ka cii sɛbɛ (S-89) dugu ma, wala a kɔɔ kan. Lakɔli kɔrɔsibaga bena kalan kɛlon sɛbɛ u ka gafe ɲɛɛ 82nan na, kɛyɔrɔ gɛrɛfɛ. A be se k’o kɛ kelen, n’a be kalanden ka ladili sɛbɛ dafara.

¹⁰ Ladiliw sɛbɛ: I ka ladiliw sɛbɛ nɔrɔnen be i ka gafe kɔnɔ. A be sɔrɔ a ɲɛɛw 79-81nan na. O kosɔn, i mana kalan dɔ kɛ lakɔli la, i ka kan k’i ka gafe yira lakɔli kɔrɔsibaga la. Lakɔlidenw be baara kɛra kumacogo fɛɛrɛ minw kan, lakɔli kɔrɔsibaga bena u sɛbɛ ka bila a yɛrɛ ye.

¹¹ Dalafɔli segikanni: Lakɔli ka segikanni bena kɛ dalafɔli la. A bena kɛ miniti 30 kɔnɔ, kalo fila o kalo fila. O segikanni ka ɲiningaliw bena to ka di An ka Masaya Cidenyabaara kɔnɔ i n’a fɔ fɔlɔ la. Segikanni kɛlon be se ka bɛn ni kafo ka dan na lɔgɔkun ye, wala tile fila lajɛnba ka lɔgɔkun ye. O la, kafo ka kan ka lɔgɔkun nɔfɛta ka kalanw lo kɔn ka di. Ani, segikanni ka kan ka kɛ o lɔgɔkun tɛmɛnen kɔ.

¹² Kalanso filananw: Ni kafo dɔ ka kalandenw ka ca ka tɛmɛ 50 kan, diinan mɔgɔkɔrɔw be se ka miiri ka kalanso wɛrɛ sigi sen kan. “O labɛn be se ka ɲɛsin kalandenw bɛɛ ka kalanw ma, wala cii n^o 3nan ani n^o 4nan dɔrɔn ma.” (École du ministère, ɲɛɛ 285). Cii n^o 3nan ani n^o 4nan dɔrɔn bena kɛ kalanso filanan na ni balimamusow ka ca kafo kɔnɔ, nka balimacɛw man ca walisa ka kalangwɛ degeli kɛ. Diinan mɔgɔkɔrɔw ka kan ka balimacɛ setigiw ɲɛnatɔmɔ walisa u ka o kalansow ɲɛminɛ.

¹³ Ladili dibaga ka kɔrɔsigiw: I ko lakɔli ka labɛnsira b’a yira cogo min na, diinan mɔgɔkɔrɔ jɛkulu ka kan ka ladiliw dibaga kɔrɔsigi dɔ yira. Ale bena ladiliw di diinan mɔgɔkɔrɔw ani kɔrɔsigi cidenw ma, minw be Bibulu kalan yɔrɔ dumanw ani lɔnniya kalan di. O ladiliw bena di u ma u dan na. O baara bena kalifa balimacɛ min ma, a ka ɲi ka kɛ kolɔnbaga ye, diinan mɔgɔkɔrɔ tɔɔw be min ka ladiliw jate. A ka ladiliw ka ɲi ka balimacɛw sabati: a ka ɲi k’u fo u ka kumacogo ni kalan kɛcogo ɲuman na. Ani, a ka ɲi ka fɛɛrɛ kelen wala fila yira u la, u bena minw fisaya. Ni balimacɛ dɔ be kalan di tuma caaman na lajɛnw na, waajibi tɛ ka ladiliw di a ma kalan bɛɛ kɔ. Nka, ladili dibaga kɔrɔsigi ka kan ka hakili sɔrɔ, ani k’a faamu ko hali balimacɛ minw be foroba kalan di ka ban, a be se k’u dɛmɛ ka ɲɛtaga sɔrɔ.—1 Tim. 4:15.

¹⁴ Ladili dibaga ka kan k’a janto mun lo la? Mun lo be se ka ladili dibaga dɛmɛ ka kalan kɛcogo sɛgɛsɛgɛ? Gafe École du ministère ka sapitiri 53 caaman kɔnɔ, koorili sabanan be hakilinata dɔw di ka surunya. Lamɛnni kɛtɔ, ladili dibaga be se k’a janto u la. Hakilijigikow ni ladili wɛrɛw be sɔrɔ gafe kɔnɔ. Lakɔli kɔrɔsibaga ka kan k’a janto u la walisa k’a filɛ joona ni kalan kɛcogo tilenna, ani barika b’a la. Ɲɛyirali fɛ, ɲiningali dɔw filɛ gafe ɲɛɛ 55nan sanfɛla la. Ani, i janto hakilinata dɔw la gafe ɲɛɛ 163nan na, dakun laban na.

¹⁵ I ka yɔrɔ lakolonw dafa: Gafe École du ministère ka dakɛnɛw ka boon boon. Ka fara o kan, yɔrɔ lakolon hakɛ dɔw be sɔrɔ a kɔnɔ. Kelenna kalan kɛtɔ, wala n’i be lakɔli la, i be se ka miiriya dɔw sɛbɛ yen. (A filɛ gafe ɲɛɛw 77, 92, 165, 243, 246, ani 250nan na.) I janto k’i ka gafe ta ka taga lajɛn na lɔgɔkun bɛɛ. Kalan fɔlɔ kɛtɔ, tugu a kɔ i ka gafe kɔnɔ. A dayɛlɛnen to lakɔli wagati tɔɔ kɔnɔ. I janto lakɔli kɔrɔsibaga ka ladiliw la. Kalandenw be tɛmɛ fɛɛrɛ minw fɛ ka kalan kɛ, i janto o la. I janto fana u ka kalan kɛcogo ni ɲiningaliw, ɲɛyiraliw, kumacogow, ntalenw, tagamasiɲɛ yiracogo la, ani faranfasiliw kɛcogo la. N’i be hakilinata nafamanw sɛbɛ, i bena se k’i hakili jigi, ani ka baara kɛ ni lakɔli ka yɔrɔ nafaman dɔw ye.

¹⁶ Yesu Kirista tun b’a lɔn ko nɛɛmaba lo ka Ala ka Masaya kibaro duman waaju. Ani, o bonya ɲɔgɔn tɛ yen. O tun kɛra ale ka cii kunba lo ye (Marka 1:38). A y’a fɔ ko: “Wajibi don ne ka Ala ka masaya Kibaru Duman fɔ dugu tɔw fana la, k’a masɔrɔ ne cira o de kosɔn” (Luka 4:43). Dɔw sɔnna a ka welekan na, ani u tugura a kɔ. I ko olu, an fana ɲɛɛ gwannen be kosɔbɛ kibaro duman waajuli kɛli la. Ani, tuma o tuma, an b’an jijara k’an ka “tanuli sarakaw” nafa fisaya (Heb. 13:15). Walisa k’o laɲinita dafa, an k’an cɛsiri ka kɛ Ala ka Mara cidenyabaara lakɔli la lɔgɔkun o lɔgɔkun. O lakɔli bena an kolo ɲɛnamaya ka baara kunbaba kama.