I bena mun lo fɔ periyodikiw yiratɔ?

LA TOUR DE GARDE 15 févr.

“Yala i delila k’i yɛrɛ ɲininga cogo min i be se ka ɲɛminɛli fisaman sɔrɔ i ka ɲɛnamaya kɔnɔ ani ka koo gwɛlɛmanw latigɛ wa? [A ka jaabili lamɛn.] Dɛmɛ fisaman dɔw, i n’a fɔ sariya dafalen, be sɔrɔ Bibulu kɔnɔ. [Matiyu 7:12 kalan.] Ala ka sariyakolo wɛrɛ jumanw be se ka sin k’an nafa? I bena jaabili sɔrɔ zurunali nin kɔnɔ.

Réveillez-vous ! 22 févr.

“N’a sɔrɔ i y’a kɔrɔsi ko farati cayara baarakɛyɔrɔ caaman na. Ladili ɲumanw be sɔrɔ zurunali nin kɔnɔ. U b’a yira cogo min na farati be se ka nɔgɔya o yɔrɔw la. A fana b’a yira ko an ka hɛɛrɛ be bɔ nin na: n’an ka baloɲini baara filɛcogo kɛɲɛnen be. Hakɛ to k’a kalan?”

LA TOUR DE GARDE 1er mars

“Bi tile ka koow kosɔn, an caaman b’an yɛrɛ ɲininga siniɲasigi be mun lo mara an ye. Yesu ka delili dɔ kɔnɔ, mɔgɔ caaman be min lɔn, a y’a yira fɛɛn min kama an be se ka siniɲasigi koow filɛ ni jigiya ye. [Matiyu 6:9, 10 kalan.] Hadamadenw be segi fili dɔw kan, minw kɛra kabini galen. Nka mɔgɔ minw tun ye baara kɛ Ala ye o wagati la, siniɲasigi hɛɛrɛman tun be olu fɛ. Zurunali nin b’a yira cogo min na an fana be se k’o kɛ.”

Réveillez-vous ! 8 mars

“Bibulu b’a fɔ ka gwɛlɛya ko a kɔrɔtalen be ka kalan bɛrɛbɛrɛ sɔrɔ. [Ntalenw 2:10, 11 kalan.] An caaman y’a faamuya ko nafa b’a la kosɔbɛ an denmisɛnw fɛ ka karamɔgɔ setigiw sɔrɔ lakɔli la. Réveillez-vous ! b’a yira ka gwɛ ko karamɔgɔw ka lɔyɔrɔ kɔrɔtalen be o koo la. A b’a yira cogo min na an be se k’u ka jijaliw waleɲumanlɔn, ani bangebagaw be se ka min kɛ walisa k’u dɛmɛ k’u ka cii gwɛlɛn kunbɛn.”