Aw Ka Ɲiningaliw Jaabiliw

◼ Mun na an ka kan ka jantoli kɛ n’an be seereya di lɛtɛrɛ fɛ?

Kabini wagati jan, lɛtɛrɛ sɔrɔla ka kɛ fɛɛrɛ barikaman ye walisa ka kibaro duman seereya di mɔgɔw ma. Nka kɔsa koo minw kɛra duniɲa kɔnɔ, o y’a to mɔgɔ caaman be sigasiga ka lɛtɛrɛ dɔ dayɛlɛ n’u m’a bɔyɔrɔ lɔn. Ni lɛtɛrɛ bɔyɔrɔ ma lɔn, wala n’a cibaga ka ladɛrɛsi tɛ yen a foroko kan, mɔgɔw be sigasiga a la janko n’o lɛtɛrɛ foroko ka bon, ani bololasɛbɛri b’a kan. O lɛtɛrɛ sɔrɔbaga be se k’a fili n’a ma dayɛlɛ yɛrɛ. An be se k’o bali a ka kɛ cogo di?

N’a be se ka kɛ, lɛtɛrɛ ani ladɛrɛsi fila bɛɛ ka kan ka sɛbɛ mansi fɛ. Lɛtɛrɛ cira mɔgɔ min ma, o tɔgɔ ka kan ka sɛbɛ foroko kan. Ladɛrɛsi man kan ka kɛ “boon tigi” ye. Ka fara o kan, lɛtɛrɛ cibaga ladɛrɛsi ka kan ka sɛbɛ a kan tuma bɛɛ. N’a bɛnnen tɛ i ma k’i tɔgɔla ladɛrɛsi di, i tɔgɔ ani Masaya Boon ladɛrɛsi sɛbɛ. Kana lɛtɛrɛw ci mɔgɔw ma ni cibaga tɔgɔ t’a kan. Kana tɔnbolo ka ladɛrɛsi di abada.— “Aw ka ɲiningaliw jaabiliw” filɛ An ka Masaya Cidenyabaara kɔnɔ. Saan 1996, novanburukalo ta.

Ladili wɛrɛw ani ɲɛyirali lɛtɛrɛ be se ka sɔrɔ Tirez profit de l’École du ministère théocratique ɲɛɛw 71-3 kɔnɔ. Cikan ninw bena an dɛmɛ ka tɛmɛ lɛtɛrɛw fɛ cogo fisaman na walisa ka kibaro duman lase mɔgɔ wɛrɛw ma.