Lɛtɛrɛ sɛbɛcogo modɛli

• Lɛtɛrɛ ci n’i yɛrɛ ka ladɛrɛsi ye. N’i y’a ye ko hakilitigiyako tɛ k’a ci ni ele yɛrɛ ka ladɛrɛsi ye, i be se k’a ci ni Masaya Boon ka ladɛrɛsi ye ni diinan mɔgɔkɔrɔw ye sira d’i ma. Nka, kana a ci ni Betɛli ka ladɛrɛsi ye ABADA.

• I be lɛtɛrɛ cira mɔgɔ min ma, n’i b’a tigi lɔn, a weele a tɔgɔ la. O la, a tɛn’a miiri ko i be piblisite kɛra jagofɛn dɔ lo koo la.

• I janto ko kumadenw sɛbɛra ka ɲɛ, ko i ye tomiw, kɔriw, ani a ɲɔgɔnnaw labato. Lɛtɛrɛ nin filɛ ka ɲi ka diya, a man kan ka nɔgɔ. N’a sɛbɛra bolo la, a kalan ka ɲi ka diya. A to i ka kumadenw k’a yira ko i be koow kɛra teriya la n’a tigi ye. Nka, kana a tigi dɔgɔya.

Lɛtɛrɛ modɛli nin b’o lo yira. Nka, o kɔrɔ tɛ ko i ka ɲi k’o kumaden kelenw lo sɛbɛ tigitigi tuma o tuma n’i be lɛtɛrɛ cira dɔ ma i ka kiin kɔnɔ walisa k’a waaju. I be se k’o lɛtɛrɛ ka kumaw yɛlɛma ka kɛɲɛ n’i ka laɲinita ani mɔgɔw kumacogo n’u ka koow cogoya ye i ka mara la.