Aw Ka Ɲiningaliw Jaabiliw

◼ An ka kan ka fani don ani k’an kuun masiri cogo juman na n’an be taga bɔ betɛli la?

N’an be taga betɛli filɛ, wala n’an be taga bɔ betɛli ka denbaya mɔgɔ dɔw ye, “a ɲininen be an fɛ, an ka fani don, an k’an kuun masiri, ani k’an yɛrɛ minɛ i n’a fɔ an be taga lajɛn na batoli kama Masaya Boon kɔnɔ.” (om 131). Nka, o y’a kɔrɔsi ko balimacɛ ni balimamuso dɔw tagatɔ betɛli la, u b’u ka fani doncogo labila kojugu. O ma daga. An ka fani doncogo ka kan ka kɛ ɲɛyirali ɲuman ye. A ka ɲi ka ɲɛ kosɔbɛ, ani ka majigilenya ni danbe yira, minw bɛnnen be Jehova Ala ka baarakɛlaw ma.—1 Tim. 2:9, 10.

O koo kɔni kɔrɔtalen be n’an be taga betɛli filɛ. Sabu, mɔgɔ caaman ɲɛ b’an na o yɔrɔ la, ani o mɔgɔw tɛ Jehova Seerew ye. O mɔgɔw ɲɛɛ be min na, u be se ka basigi o kan ka miiriya dɔ sɔrɔ Ala ka mɔgɔ n’a ka ɔriganisasiyɔn kan. O kama, a ka ɲi an ka baro kɛ o koo kan ni Bibulu kalandenw ye, ani mɔgɔ wɛrɛw ye minw b’a fɛ ka taga betɛli filɛ. An k’u hakili jigi ko a kɔrɔtalen be u k’u janto u ka fani doncogo ni kuun masiri cogo la. N’i y’o kɛ, a bena diya betɛli denbaya ye.

Komi an ye kerecɛn cidenw ye, an ka kan ka kɔrɔsili kɛ janko an ka fani doncogo kana kɛ mɔgɔ si kunna tiɲɛ sababu ye (2 Kɔr. 6:3, 4). Nka, an ka kɛcogo ɲuman fɛ, an ka “an Kisibaga Ala ka kalan bonya koo bɛɛ la” tuma bɛɛ.—Tite 2:10.