Ala ka Mara cidenyabaara lakɔli, saan 2004 na

¹ Jehova be mɔgɔ gwansanw kolo walisa u ka baara kɛ: baara min be duniɲa kuru bɛɛ nafa. A be tɛmɛ Ala ka Mara cidenyabaara lakɔli fɛ k’o kololi di. O lakɔli be kɛ lɔgɔkun o lɔgɔkun. Yala i b’i sen don o lakɔli ka koow la a ɲɛɛ ma ni cogoya b’i bolo wa? Zanwiyekalo nata la, yɛlɛmani dɔw bena daminɛ walisa ka lakɔlidenw dɛmɛ u ka nafa fisaman sɔrɔ lakɔli la.

² Ladili dibaga ka kɔrɔsigi bena to ka yɛlɛma: Balima minw be lɔnniya kalan di, ani minw be Bibulu yɔrɔ dumanw kalan di, u be ladili dibaga kɔrɔsigi ka ladiliw waleɲuman lɔn. Diinan mɔgɔkɔrɔw ka ca kafo minw kɔnɔ, ladili dibaga ka kɔrɔsigi be se ka yɛlɛma ka kɛ dɔ wɛrɛ ye saan o saan. O cogo la, mɔgɔ wɛrɛ be se ka baara doni ta fana. Nka, min kɔrɔtalen be ka tɛmɛ o kan, diinan mɔgɔkɔrɔw ni kɔrɔsigi cidenw bena nafa sɔrɔ karamɔgɔ wɛrɛ setigiw ka kolɔnni na.

³ Dalafɔli segikanni kɛlon: Ni segikanni kɛlon bɛnna ni tile fila lajɛnba lɔgɔkun ye, segikanni (ani o lɔgɔkun ka kalan wɛrɛw) ka kan ka falen ni lɔgɔkun nɔfɛta ka labɛnsira ye. Nka, ni segikanni bɛnna ni dan na lɔgɔkun ye, waajibi tɛ k’o lɔgɔkun ka kalanw bɛɛ falen ni lɔgɔkun nɔfɛta ye. Dɔnkili, kumacogo fɛɛrɛ, ani Bibulu yɔrɔ dumanw kalan ka kan ka to u cogo la. Lɔnniya kalan (min be di kumacogo fɛɛrɛ kɔ) ka kan ka bɔ lɔgɔkun nɔfɛta ka labɛnsira kɔnɔ. Bibulu yɔrɔ dumanw kalan kɔ, waajuliko lajɛn be daminɛ, ani a be mɛɛn miniti bi saba: a be se ka kɛ miniti tan tan kalan saba ye, wala miniti tan ni looru looru kalan fila ye. (Kunnafoniw tɛ kalan o loon.) Waajuliko lajɛn kɔ, dɔnkili be la, ani kafokulu kɔrɔsibaga be kalan di miniti bi saba kɔnɔ. Lɔgɔkun nɔfɛta kɔnɔ, kumacogo fɛɛrɛ ani Bibulu yɔrɔ dumanw kalan lo be to u cogo la. O kɔ, segikanni be daminɛ.

⁴ Tɛmɛ sababu bɛɛ fɛ ka ɲɛtaga sɔrɔ Alako ta fan fɛ. I kɛtɔ ka nafa sɔrɔ Ala ka Mara cidenyabaara lakɔli la, i b’i ka kafo jagwɛlɛya. I b’i sen don Bibulu ka ciraya kumaw dafali la. Ani, an ka kan ka cira cɛɲumanba min weleweleda, i be tandoli lase o cira Tigi ma.—Esayi 32:3, 4; Jira. 9:19.