Ka gafew kofɔ mɔgɔw ye, minw tɛ kaan kelen fɔ
1 Yɔrɔ caaman na kaan wɛrɛ fɔbagaw nana sigi kiinw kɔnɔ. O mɔgɔw mana tiɲɛn kalan u ka kaan na, u b’a faamuya ka dunya joona. Labɛn jumanw kɛra walisa o mɔgɔw ka Sosiyete ka gafew sɔrɔ u ka kaan na, u be min faamu ka ɲɛ?
2 Gafew ka ɲi ka di u ma tuma juman? Ni kafo fila wala caaman tɛ kaan kelen fɔ, ani u be waajuli kɛ kiin kelen kɔnɔ, u ka diinan mɔgɔkɔrɔw ka kan ka bolo di waajulibaara kɔrɔsibagaw ma walisa u ka labɛn sigi sen kan kafow bɛɛ nafa kama. O la, seereya dafalen bena di kaan kelen kelen fɔbagaw ma. Waajuli kɛtɔ soo ni soo, a dagalen tɛ weleweledalaw ka gafew di kafo wɛrɛ(w) ka kaan fɔbagaw ma. Nka n’u be seereya dira mɔgɔ dɔ ma, u ma bɔ min kama, wala n’u be waajuli kɛra foroba yɔrɔ la, u be se ka gafew di mɔgɔw ma u ka kaan na.—A filɛ An ka Masaya Cidenyabaara kɔnɔ (1990, ɔkutɔburukalo ta, barokun “Aw ka ɲiningaliw jaabiliw”.)
3 Gafew ka kan ka mara tuma juman? Ni kaan wɛrɛ fɔbagaw ka ca kiin dɔw kɔnɔ, ani kafo si tɛ yen o kaan na, mun lo ka kan ka kɛ? N’o lo, kafo be se ka gafew hakɛ fitinin mara ka bila o kaan na, i n’a fɔ: kitabuninw Ɲini, Ala teri, ani gafe Dɔnniya. Weleweledalaw mana o sɛbɛw kalanbagaw kunbɛn tuma o tuma, u be se k’u di u ma.
4 Gafew komandi be kɛ cogo min na: Ni makodon mɔgɔ dɔ be sɛbɛ kalan kaan wɛrɛ la, ani kafo ma gafew mara ka bila o kaan na, o gafew be se ka sɔrɔ cogo di? O weleweledala ka kan ka ɲɛsin balimacɛ ma, min sigira gafekow kunna. U bena a filɛ gafe jumanw be sɔrɔ o kaan na. O la, o tigi mako be gafe minw na, u bena o komandi kɛ kalosa la.
5 An ka baara ɲuman kɛ ni kerecɛn gafew ye walisa ka “mɔgɔ sifa bɛɛ” dɛmɛ u ka ‘tiɲɛn lɔnniya tigitigi sɔrɔ ani ka kisi’: u mana kɛ kaan o kaan fɔbagaw ye.—1 Tim. 2:3, 4, NW.
[Study Questions]
1. Mun na kafo caaman mako be gafew la kaan wɛrɛw la?
2. Ni kafo fila wala caaman be waajuli kɛ kiin kelen kɔnɔ, u ka kan ka boli di ɲɔgɔn ma ka mun lo kɛ?
3. Kafo ka ɲi ka gafew mara ka bila kaan wɛrɛ la tuma juman?
4. Ni kafo ma gafe dɔ mara ka bila kaan dɔ la, o gafe be se ka sɔrɔ cogo di?
5. An kɛtɔ ka kerecɛn gafew labila mɔgɔw ye, an ka laɲinita ye mun ye?