Dɛmɛ, walisa an k’an yɛrɛ tanga joli ma

Weleweledala batiselen minw tun kɔnna ka joli sɛbɛw dafa, u mako t’a la ka sɛbɛ kuraw dafa ɲinan: ni sɛbɛ bangeli saan ma sɛbɛ a kan, wala n’a bangeli saan ye 3/99 ye. O sɛbɛw ye: “Attestation prévisionnelle” wala “Carte d’identité” . Desanburukalo tile 29nan lɔgɔkun na, waajuliko lajɛn na, sekeretɛri bena na ni sɛbɛ caaman ye a bolo, batiselen kuraw n’u deenw kama, ani minw mako b’a la k’u taw falen ni kuramanw ye. O sɛbɛw tɛna sin ka cii kafow ma. Sɛbɛ minw labilanen be kafo fɛ, n’u ma labɔri kɛ, sekeretɛri ka kan k’a filɛ ni dɔw tɛ sɔrɔ kafo wɛrɛw fɛ sigida la. Wala, a be se k’u komandi kɛ kafo ka gafew ɲinisɛbɛ kɔnɔ.

Weleweledalaw ka kan k’o sɛbɛw dafa koɲuman u ka soo, nka u KANA u bolonɔ kɛ u kan. Bolonɔ kɛli, ani sɛbɛ dafa loon bena kɛ kafo ka kitabukalan nata la. Minw mako be dɛmɛ na o fan fɛ, kitabukalan kɔrɔsibaga bena u dɛmɛ.

Weleweledala minw ma batise fɔlɔ, u be se k’o sɛbɛw kɔnɔna koow makɛɲɛ ani k’u tɔgɔla ŋaniya sɛbɛ u yɛrɛw ta ye, ani u denmisɛnw ta ye.