Yala i be wagati wɛrɛ makɔnɔ ka sɔrɔ k’a dafa wa?

Ka sɔrɔ ka mun dafa? Ka joli sɛbɛ DPA dafa, min dira Seere batiselenw ma. Komi mɔgɔ “tɛ sini ko dɔn”, a kɔrɔtalen lo kosɔbɛ i ka kɔn k’a latigɛ ani i k’a sɛbɛ k’a yira i be sɔn furakɛli ani furakɛcogo minw ma ni barinankow y’i sɔrɔ kɛnɛya koo ta fan fɛ ( Yak. 4:14; Kɛw. 15:28, 29). Videwo nin labɛnna walisa k’i dɛmɛ. A tɔgɔ ko: “ Soigner sans transfuser — Besoins et droits du patient ” (Furakɛli, ni joli koo t’a la: banabagatɔ makow n’a joow.) I k’a filɛ. O kɔ, i ka tɛmɛ ɲiningali nunu fɛ k’i ka lɔnniya sɛgɛsɛgɛ delili la. I janto: Komi u be operasɔn kɛcogo dɔw yira dɔɔni o videwo kɔnɔ, bangebagaw ka kan k’a latigɛ n’u bena o videwo filɛ n’u ka deen fitininw ye.

(1) Mun na dɔgɔtɔrɔ dɔw be jatiminɛ kura kɛra jolidon koo la? (2) A’ ye ɲɛyirali saba fɔ, minw b’a yira ko operasɔn gwɛlɛman dɔw kɛra, nka joli ma don banabagatɔ la. (3) Duniɲa bɛɛ kɔnɔ, dɔgɔtɔrɔ joli y’a yira k’olu labɛnnen lo ka banabagatɔw fura kɛ n’u tɛ joli don u la? Mun na u labɛnnen lo k’o kɛ? (4) Dɔgɔtɔrɔw ka kalan kuraw ye mun lo yira joli koo la? (5) Farati jumanw b’a la ka mɔgɔ fura kɛ ni joli ye? (6) Lɔnnikɛla caaman sera k’a faamu ko nafa jumanw b’a la ka mɔgɔ fura kɛ n’u tɛ joli don a la? (7) Mun lo be na ni joliban ye? Hadamaden fari be se ka joliban sɔminɛ fɔɔ ka se hakɛ juman ma? Mun lo be se ka kɛ walisa k’o joli hakɛ ɲɔgɔnna sɔrɔ? (8) Mun lo be se ka kɛ walisa ka banabagatɔ fari lasun a ka jolikisɛ wulenw dilan? (9) Operasɔn kɛtɔ, dɔgɔtɔrɔw be tɛmɛna fɛɛrɛ jumanw fɛ walisa ka jolibɔn hakɛ dɔgɔya? (10) Ka mɔgɔ fura kɛ n’u tɛ joli don a la, yala o be se ka ɲɛ deen fitininw fɛ, wala mɔgɔw fɛ, minw niin be faratiba la wa? (11) Furakɛli ɲuman sariya fɔlɔ ye juman ye danbe ta fan fɛ? (12) Mun na a kɔrɔtalen be kerecɛnw fɛ u ka kɔn k’a yira k’u be furakɛli fɛ joli koo tɛ min na? An be se k’o kɛ cogo juman na?

Videwo nin be furakɛcogo minw yira, ni kerecɛn dɔ b’a fɛ ka sɔn u dɔw la, o ye a yɛrɛ ka koo ye, ka kɛɲɛ n’a dusukun ye: dusukun min kolola Bibulu fɛ. Yala i y’a yira ka gwɛ ile be sɔn furakɛli ani furakɛcogo sifa minw ma joli nɔɔ na i yɛrɛ kama, ani i deenw kama wa? Ani, yala i ye jolisɛbɛ DPA dafa k’o yira wa? N’i be kunnafoni dafalenw fɛ o koo kan, i ka gafe “ Amour de Dieu ” sapitiri 7nan lajɛ koɲuman ani vɛrisew ni gafe minw b’o sapitiri nin kɔnɔ fana. Barokun nin fana lajɛ: “Ne bena ŋaniya juman ta ka ɲɛsin joli kɔnɔfɛn misɛnmanw ma ani furakɛcogo ma ni ne yɛrɛ joli ye?” O barokun be sɔrɔ An ka Masaya Cidenyabaara kɔnɔ, saan 2006 novanburu ta, ɲɛɛ 3- 6nan. N’i tilara, i ye koo minw latigɛ, i ka la a la ko i ye o lo sɛbɛ tiɲɛn na i ka jolisɛbɛ DPA kɔnɔ. I ye koo minw latigɛ joli koo ta fan fɛ, i ka kan k’o fɔ ka gwɛ i ka mɔgɔ sɔbɛw ye minw tɔgɔw be i ka jolisɛbɛ kan, ani i ka somɔgɔw ye minw tɛ Jehova Seerew ye.

[Ɲɛɛ 3nan ka koorilen]

• Yala i y’a latigɛ i be sɔn furakɛcogo minw ma joli nɔɔ na, i yɛrɛ ye ani i deen ye wa?

• Yala i y’i ka jolisɛbɛ DPA dafa ani yala i b’a mara i kun tuma bɛɛ barinankow kosɔn wa?