I yɛrɛ labɛn kabini sisan gwɛrɛgwɛrɛko dɔ kama kɛnɛyako ta fan fɛ

Mun na do? Sabu gwɛrɛgwɛrɛko dɔ be se ka cun an kan kɛnɛyako ta fan fɛ ani u b’an la dɔgɔtɔrɔso la. O kama, sanni gwɛrɛgwɛrɛko dɔ ka cun i kan, labɛn minw kɛra walisa k’i dɛmɛ ka furakɛli ɲuman sɔrɔ, i yɛrɛ labɛn kabini sisan ka se ka nafa sɔrɔ o labɛnw na bɛrɛbɛrɛ. N’i b’o kɛ, i b’a yira ko i be bonya la niin kan ani ko i be Jehova ka sariya labato joliko ta fan fɛ.—Kɛw. 15:28, 29.

I be se k’i yɛrɛ labɛn cogo di?

• Delili kɛ ani o kɔ, i ka jolisɛbɛ (DPA) dafa koɲuman.a Weleweledala minw batizera, olu be se ka jolisɛbɛ dɔ sɔrɔ kafo ka gafekow ɲɛnabɔbaga fɛ. U be se fana ka Document d’identité médical dɔ sɔrɔ u deen fitininw ye.

• N’i kɔnɔman lo, kuma diinan mɔgɔkɔrɔw fɛ u be sɛbɛ nin di i ma: Kunnafoniw ka ɲɛsin muso kɔnɔman ma (S-401). O sɛbɛ bena i dɛmɛ ka desizɔn ɲumanw ta furakɛli koo ta fan fɛ ni gwɛlɛya dɔ cunna i kan i ka kɔnɔ tuma na ani i jigituma na.

• N’i mako be furakɛcogo dɔ la wala n’u ka ɲi k’i la dɔgɔtɔrɔso, a to diinan mɔgɔkɔrɔw ka bɔ o kala ma joona. Ani, a fɔ dɔgɔtɔrɔw ye ko i b’a fɛ Jehova Seerew ka diinan mɔgɔkɔrɔ wala ciden kɔrɔsigi dɔ ka na bɔ i ye.

Diinan mɔgɔkɔrɔw be se k’i dɛmɛ cogo di? U be se k’i dɛmɛ i k’i ka jolisɛbɛ (Carte DPA) dafa. Nka, diinan mɔgɔkɔrɔw lo tɛna desizɔnw ta i ye furakɛcogo koo la wala i mana furakɛcogo min sugandi, u tɛna u ka miiriya fɔ o koo la sabu bɛɛ lo ka kan ka desizɔnw ta a yɛrɛ ye (Ɔrɔm. 14:12; Gal. 6:5). N’i y’a fɔ diinan mɔgɔkɔrɔw ye ko i man kɛnɛ ani ko joliko b’o la, olu bena kaan bɔ joona joona CLH balimaw ma i ye.

CLH balimaw be se k’i dɛmɛ cogo di? O balimaw ye fɔrɔmasɔn sɔrɔ walisa ka dɔgɔtɔrɔw ni dugu faamanw dɛmɛ u k’an ka lannakow faamu joliko ta fan fɛ. O balimaw be se k’a ɲini k’a lɔn banabagatɔ be se ka furakɛcogo minw kɛ hali u tɛ joli don a la. Ni waajibi lo, u be se k’a ɲini ka kaan bɔ dɔgɔtɔrɔ dɔ ma min b’an ka lannakow faamu joliko ta fan fɛ.

VIDEWO NIN FILƐ: DESIZƆNW TACOGO, JOLIKO TA FAN FƐ. O KƆ, ƝININGALI NIN JAABI:

• Gwɛrɛgwɛrɛko dɔ be se k’i sɔrɔ kɛnɛyako ta fan fɛ ani dɔgɔtɔrɔw b’a fɔ ko fɔɔ u ka joli don i la. Videwo nin be se k’i dɛmɛ cogo di i k’i yɛrɛ labɛn o kama?

  Your answer