Kasɛti videwo, min b’a yira ko yɛlɛmaniba dɔ kɛra dɔgɔtɔrɔya koow la

Sariya mɔgɔw ani dɔgɔtɔrɔw b’u jantora banabagatɔw ka danbe n’u ka joow la. O sababu fɛ, fura kɛcogow ani fɛɛrɛ kuraw dɔw ye ɲɛtaga sɔrɔ. O be se ka Jehova Seerew nafa (Kew. 15:28, 29). Videwo nin b’o lo yira ka gwɛ. A tɔgɔ ko: “Soigner sans transfuser : Besoins et droits du patient.” (Jolintanya furakɛli: banabagatɔ makow n’a joow.) O videwo filɛ, ani i ka lɔnniya sɛgɛsɛgɛ k’a filɛ. I janto: Komi u be operasɔn kɛcogo dɔw yira dɔɔni o videwo kɔnɔ, bangebagaw ka kan ka kɔrɔsili kɛ n’u deen fitininw fana b’a fɛ k’o videwo filɛ.

(1) Mun na dɔgɔtɔrɔ dɔw be jatiminɛ kura kɛra jolidon koo la? (2) Ɲɛyirali saba di, minw b’a yira ko operasɔn gwɛlɛman dɔw kɛra, nka joli ma don banabagatɔ la. (3) Duniɲa bɛɛ kɔnɔ, dɔgɔtɔrɔ joli y’a yira k’olu labɛnnen be ka banabagatɔw fura kɛ n’u tɛ joli don u la? Mun na u labɛnnen be k’o kɛ? (4) Dɔgɔtɔrɔw ka kalan kuraw ye mun lo yira joli koo la? (5) Farati jumanw b’a la ka mɔgɔ fura kɛ ni joli ye? (6) Lɔnnikɛla caaman bɔra a kala ma ko nafa jumanw be yen jolintanya furakɛli la? (7) Mun lo be na ni joliban ye? Hadamaden fari be se ka joliban sɔminɛ fɔɔ ka se hakɛ juman ma? Mun lo be se ka kɛ walisa k’o joli hakɛ ɲɔgɔnna sɔrɔ? (8) Mun lo be se ka kɛ walisa ka banabagatɔ fari lasun a ka jolikisɛ wulenw dilan? (9) Operasɔn kɛtɔ, dɔgɔtɔrɔw be tɛmɛna fɛɛrɛ jumanw fɛ walisa ka jolibɔn dɔgɔya? (10) Yala jolintanya furakɛli be se ka ɲɛ deen fitininw fɛ, wala mɔgɔ minw niin be faratiba la wa? (11) Furakɛli ɲuman sariya fɔlɔ ye juman ye danbe ta fan fɛ? (12) Mun na a kɔrɔtalen be kerecɛnw fɛ u ka kɔn k’a yira k’u be jolintanya furakɛli lo fɛ? An be se k’o kɛ cogo juman na?

Videwo nin be furakɛcogo minw yira, ni kerecɛn dɔ b’a fɛ ka sɔn u dɔw la, o ye a yɛrɛ ka koo ye, ka kɛɲɛ n’a dusukun ye: dusukun min kolola Bibulu fɛ. Yala i y’a latigɛ ile be sɔn jolintanya furakɛli sifa minw na, i yɛrɛ kama, ani i deenw kama wa? I ye koo minw latigɛ o fan fɛ, ani fɛɛn min kama i y’o latigɛli kɛ, i ka kan k’o fɔ ka gwɛ i somɔgɔ dannabaliw ye.—A filɛ La Tour de Garde ka barokun ninw kɔnɔ: “Questions des lecteurs” (saan 2004, zuwɛnkalo tile 15nan ta, ani saan 2000, ɔkutɔburu tile 15nan ta.)