Ni kɛnɛyako dɔ barila k’i sɔrɔ, yala i labɛnnin lo wa?

Kɛnɛyako be se ka bari mɔgɔ la (Yak. 4:14). O kama, hakilitigi be koo bɛɛ lajɛnnin kɛ ka kɔn k’a yɛrɛ labɛn (Ntal. 22:3). Ile be sɔn furakɛli ni furakɛcogo sifa minw ma joli nɔɔ na, yala i y’o latigɛ ani k’o sɛbɛ ka bila wa? Videwo dɔ labɛnna walisa k’i dɛmɛ o koo la. A tɔgɔ ko Soigner sans transfuser — Besoins et droits du patient: O videwo ye filimu 2nan ye DVD nin kɔnɔ: Des alternatives à la transfusion — Documentaires. A filɛ, ani a ɲini ka ɲiningali nunu jaabi. Komi u be operasɔn kɛcogo dɔw yira dɔɔni o videwo kɔnɔ, bangebagaw ka kan k’a latigɛ n’u deen fitininw be se k’a filɛ n’u ye.

1) Mun na dɔgɔtɔrɔ dɔw be jatiminɛ kura kɛra jolidon koo la? 2) Operasɔn gwɛlɛman saba kofɔ minw kɛra, nka joli ma don banabagatɔ la. 3) Duniɲa bɛɛ kɔnɔ, mun na dɔgɔtɔrɔ waa caaman labɛnnin lo ka banabagatɔw fura kɛ n’u tɛ joli don u la? 4) Dɔgɔtɔrɔw ka kalan kuraw ye mun lo yira jolidon koo la? 5) Farati jumanw b’a la ka mɔgɔ fura kɛ ni joli ye? 6) Lɔnnikɛla caaman sera k’a faamu ko nafa jumanw b’a la ka mɔgɔ fura kɛ n’u tɛ joli don a la? 7) Mun lo be na ni joliban ye, ani mun lo be se ka kɛ walisa k’o joli hakɛ ɲɔgɔnna sɔrɔ? 8) Mun lo be se ka kɛ walisa ka banabagatɔ fari lasun a ka jolikisɛ wulenw dilan? 9) Operasɔn kɛtɔ, dɔgɔtɔrɔw be tɛmɛ fɛɛrɛ jumanw lo fɛ walisa ka jolibɔn hakɛ dɔgɔya? 10) Ka mɔgɔ fura kɛ n’u tɛ joli don a la, yala o be se ka ɲɛ deen fitininw fɛ, wala mɔgɔw fɛ, minw niin be faratiba la wa? 11) Furakɛli ɲuman sariya fɔlɔ ye juman ye danbe ta fan fɛ?

Videwo nin be furakɛcogo minw yira, ni mɔgɔ dɔ b’a fɛ ka sɔn wala ka ban u dɔw la, o ye a tigi ka koo ye ka kɛɲɛ n’a dusukun ye. O kama, kan’a to kɛnɛyako dɔ ka bari i la ka sɔrɔ k’a filɛ i bena min kɛ. Gafe nunu be se k’i dɛmɛ ka ŋaniya ɲuman ta i be min faamu: “Amour de Dieu” ka kalansen 7nan ani gafe minw kofɔra o kalansen kɔnɔ, ani saan 2006, novanburu ka An ka Masaya Cidenyabaara ɲɛɛ 3-6nan. O kɔ, i ye min latigɛ i k’o sɛbɛ i ka joli sɛbɛ DPA kan, o min dira kerecɛn batiseninw lo ma, ani i k’o sɛbɛ to i kun tuma bɛɛ.

[Koorilen ɲɛɛ 3 kan]

Ile be sɔn furakɛli ni furakɛcogo sifa minw ma joli nɔɔ na, yala i y’o latigɛ ani k’o sɛbɛ ka bila wa?