Zurunaliw yiracogo

The Watchtower Sept. 1

“Mɔgɔ caaman be miiri ko tariki koow kunnafoni nafamanw be sɔrɔ Layidu Kɔrɔ kɔnɔ. Nka u t’a lɔn ni o sariyaw be se ka mɔgɔ bila sira ɲuman kan hali bi. I be mun miiri o koo la? [An ka mɛnni kɛ a tigi fɛ. O kɔ an ka Rom. 15:4 kalan.] Zurunali nin b’a yira cogo min na Layidu Kɔrɔ be ladili nafaman di loon o loon ɲɛnamaya kɛcogo kan. A fana be jigiya di an ma siniɲasigi koo la.”

The Watchtower Sept. 15

“Nin kumaw be na ni miiriya juman ye i kɔnɔ? [Dut. 32:4 kalan.] Yala i delila k’i yɛrɛ ɲininga mun na tɔɔrɔw ni kojugu ka ca duniɲa kɔnɔ ni Ala tilennen lo ani a ye sebagayabɛɛtigi ye? [Mɛnni kɛ a fɛ.] Zurunali nin b’a ɲɛfɔ fɛɛn min kama Ala ye sira di kojugu ka to ka kɛ fɔɔ an ka wagati la.”

Awake! Sept.

“An caaman b’a fɛ ka kɛnɛya ni sii jan sɔrɔ. I ka miiri la, yala ka koow filɛ ni ɲɛɛ ɲuman ye o be se k’an ka kɛnɛya fisaya wa? [Mɛnni kɛ a fɛ. O kɔ i ka Ntal. 17:22 kalan.] Zurunali nin b’a ɲɛfɔ mun na a ka ɲi an ka koow filɛ ni ɲɛɛ ɲuman ye.” Ɲɛɛ 26 ka barokun yira a la.

The Watchtower Oct. 1

“Yala tun-k’a-lɔn ma deli k’i sɔrɔ ka ye wa? [Mɛnni kɛ a fɛ.] I k’a filɛ yan mun na tuma caaman na an be koow latigɛ ka tila ka nimisa kɔfɛ. [Jer. 10:23 kalan.] Zurunali nin b’a ɲɛfɔ cogo min na Bibulu ka ladili nafamanw be se k’an dɛmɛ ka koow latigɛ koɲuman.”

Awake! Oct.

“I ka miiriya la yala faratiw ka ca denmisɛnw kan bi ka tɛmɛ fɔlɔ kan wa? [Mɛnni kɛ a fɛ.] Mɔgɔ caaman be miiri ko an ka wagati lo lakalila yan. [2 Tim. 3:​1-5 kalan.] Zurunali nin be ladili nafamanw di minw be se ka bangebagaw dɛmɛ u k’u deenw tanga mɔgɔw ma minw be u dɛndɛ kakalaya kama.”