Zurunaliw yiracogo

La Tour de Garde Sept. 1

“Bi, mɔgɔ caaman y’u mako bɔ diinan koo la. Ka kɛ Alamɔgɔ ye, yala o b’an dɛmɛ ka kɛ mɔgɔ fisaman ye wa? [Mɛnni kɛ a fɛ.] A filɛ Bibulu tun kɔnna k’a fɔ mɔgɔw bena min ɲini diinanw kɔnɔ laban loonw na. [2 Timote 4:3, 4 kalan.] Zurunali nin b’a yira cogo min na tiɲɛn batoli be Ala bonya ani a b’an nafa.”

La Tour de Garde Sept. 15

I ka kibaru kura dɔ fɔ min be na ni hami ye kiin mɔgɔw fɛ. O kɔ i ka ɲiningali kɛ ko: “E ka miiri la, yala Bibulusen nin tɛ an ka wagati lo lakali tigitigi wa? [2 Tim. 3:1 kalan, ani mɛnni kɛ a tigi fɛ.] Zurunali nin be daliluw sɛgɛsɛgɛ k’a yira ko an be laban loonw na. Ani a fana b’a yira an ka kan ka min kɛ.”

Réveillez-vous! Sept.

“Mɔgɔ caaman b’a miiri ko an danna. Dɔw wɛrɛw ko an yɛlɛma-yɛlɛmana ka na an yɛrɛ ma ten. E be mun miiri o koo la? [Mɛnni kɛ a tigi fɛ.] Ladili nin b’an dɛmɛ ka faamuli ɲuman sɔrɔ. A filɛ. [Job 12:7, 8 kalan.] Fɛɛn dɔw be yen minw ma dilan hadamaden fɛ. U cogoya b’a yira ka gwɛ k’u ye hakilitigiya ni sagonata nɔɔ ye. Réveillez-vous ! kɛrɛnkɛrɛnnin nin b’a yira an be se ka kalan min sɔrɔ o la.”

La Tour de Garde Oct. 1

“Lɔnnikɛlaw b’a ɲinina ka dan sigi banaw la ani ka dɔ fara an sii janya kan. I ka miiri la, yala mɔgɔ bena se ka ɲɛnamaya kɛ kudayi loon dɔ wa? [Mɛnni kɛ a tigi fɛ.] I k’a filɛ mun na an be miiri sii jan koo la. [Waaj. 3:11 kalan.] Zurunali nin b’a yira mun na Ala y’an dan ni sii jan miirili ye.”

Réveillez-vous! Oct.

Ni mɔgɔ kelen-kelen tɛ, a ka di bɛɛ ye ka telewisɔn filɛ. Nka e ka miiri la, an ka kan ka an ka fɛɛn filɛtaw woloma wa? [Mɛnni kɛ a tigi fɛ. O kɔ, Ntal. 13:20 kalan.] Zurunali nin b’a yira telewisɔn be nɔɔ min to an kan. A fana b’an ladi cogo min na an be se ka fɛɛn filɛtaw kɔrɔsi.”