Aw Ka ƝIningaliw Jaabiliw

◼ Gafe fila juman lo ka kan ka kalan ni Bibulu kalandenw ye?

Qu’enseigne la Bible ? lo ye an ka gafe fɔlɔ ye, an be tɛmɛ min fɛ ka bibulukalan daminɛ ani k’a kɛ ni mɔgɔw ye. N’i be tɛmɛ gafe wɛrɛ fɛ, i n’a fɔ sɛbɛnin bɛnnen dɔ, ka bibulukalan daminɛ ni mɔgɔw ye, basi t’o la. Nka, i ka kan k’i jija ka kalan yɛlɛma ka kɛ gafe Qu’enseigne la Bible ? kɔnɔ joona. Weleweledala dɔw ye sangaba sɔrɔ u kɛtɔ ka baara kɛ ni gafe Qu’enseigne la Bible ? ye walisa ka kalan daminɛ ni mɔgɔw ye.

Ni gafe Qu’enseigne la Bible ? kalanna ka ban ani kalanden be ɲɛtaga kɛra, o la gafe Adorez ka kan ka kalan (Kol. 2:7). O gafe kuun ɲɛfɔra a ɲɛɛ 2nan na ko: “Minw bɛɛ be Ala kanu, Bibulu b’u jija u ka Ala ka tiɲɛn Kuma nafamanba ‘janya ni a dunya dɔn.’ (Efesekaw 3:18) Kitabu nin labɛnna o lo kama. An jigi b’a la ko a bena aw dɛmɛ ka kɔgɔ Alako ta fan fɛ, ani k’aw yɛrɛ labɛn koɲuman walisa ka sira dɔgɔmannin ta. O sira be mɔgɔ ladon ɲɛnamaya la Ala ka duniɲa kura tilennen kɔnɔ.”

Ni kalanden ye koow dafa batɛmu kama ka sɔrɔ o gafe fila ma kalan ka ban fɔlɔ, kalan ka kan ka taga ɲɛ fɔɔ k’o gafe filanan ban. Hali ni kalanden batisera, kalan ɲɛminɛbaga be se k’o bibulukalan ni lɛri ni viziti kura jati a ka rapɔɔri kɔnɔ. Weleweledala min be kalan ɲɛminɛbaga bila sira ani k’a daa don kalan na, ale fana be se k’a wagati jati a ka rapɔɔri kɔnɔ.