K’i furakɛ ni joli koo t’a la: Yala i b’o fɛɛrɛw lɔn wa?

Dɔgɔtɔrɔso minw be operasɔn kɛ ni joli ma don banabagatɔ la, u hakɛ be cayara ka taga duniɲa kɔnɔ. Fɛɛrɛ minw be dɔgɔtɔrɔw bolo ka mɔgɔ furakɛ n’u ma joli don a tigi la, i be mun lo lɔn o fɛɛrɛw koo la? I mako b’a la k’u lɔn walisa ka se ka koow latigɛ bɛrɛbɛrɛ ka ɲɛsin furakɛli ni operasɔn koow ma. A’ ye videwo nin filɛ, Pas de sang : la médecine relève le défi. O kɔ, i ka tɛmɛ jukɔrɔla ɲiningaliw fɛ ka jatiminɛ kɛ o koo la delili la.—I janto: Videwo nin be operasɔn baara yira tuma kelen-kelen na. O kama, bangebagaw ka kan ka hakili sɔrɔ k’a latigɛ n’u denmisɛnw be se k’a filɛ fana.

1) Kuun fɔlɔ juman kama Jehova Seerew be ban ka joli don u fari la? 2) Ka taga furakɛli faan fɛ, Jehova Seerew be mun lo fɛ? 3) Banabagatɔw ka joo jɔnjɔn ye mun lo ye? 4) N’an be furakɛcogo wɛrɛw sugandi joli nɔɔ na, mun na o ye an yɛrɛ ka koo ye, ani hakilintanya koo tɛ? 5) Mɔgɔ ka joli mana bɔn caaman, dɔgɔtɔrɔw ka kan k’u janto joona-joona koo fila jumanw lo la fɔlɔ? 6) Koo naani jumanw ka kan ka jati ka sɔrɔ ka mɔgɔ furakɛ ni joli ma don a la? 7) Cogo juman na dɔgɔtɔrɔw be se ka: a) jolibɔn hakɛ dɔgɔya, b) jolikisɛwulenw tanga, c) fari lasun a ka joli dilan a yɛrɛ ma, ani d) banabagatɔ ka joli cɛ ani k’a lasegi a fari la? 8) A’ ye fɛɛrɛ nunu lakali minw tɔgɔ ko: a) hémodilution ani b) ka joli cɛ operasɔn kɛtɔ. 9) Fura o fura be kɛ joli nɔɔ na, i ka ɲi k’a ɲini ka mun lo lɔn a koo la? 10) Yala operasɔnbaw ni operasɔn gwɛlɛw be se ka kɛ ni joli ma don banabagatɔ la wa? 11) Yɛlɛmani nafaman juman be kɛra dɔgɔtɔrɔyako la?

Videwo nin be furakɛcogo minw yira, bɛɛ kelen-kelen lo b’a latigɛ n’a bena sɔn u dɔw la ka kɛɲɛ n’a dusukun ye min kolola Bibulu fɛ. Yala i y’a latigɛ ka gwɛ i be sɔn furakɛcogo minw ma joli nɔɔ na, i yɛrɛ ye ani i deenw ye wa, ani yala i ye jolisɛbɛ DPA dafa wa? N’i b’a fɛ k’o koo faamuya ka ɲɛ, i ka barokun “Questions des lecteurs” sɛgɛsɛgɛ ka ɲɛ La Tour de Garde ninw kɔnɔ: Saan 2004, zuwɛn tile 15nan ta, ani saan 2000, ɔkutɔburu tile 15nan ta. O kɔ, i ka tɛmɛ tablow ni barokun nin fɛ k’a latigɛ i yɛrɛ ye, i bena sɔn wala i tɛna sɔn fɛɛrɛ minw na: “Ne bena ŋaniya juman ta ka ɲɛsin joli kɔnɔfɛn misɛnmanw ma ani furakɛcogo ma ni ne yɛrɛ joli ye?” U be sɔrɔ An ka Masaya Cidenyabaara kɔnɔ, saan 2006 novanburu ta, ɲɛɛ 3-6nan na. N’i tilara, i ye koo minw latigɛ, i ka la a la ko i ye o lo sɛbɛ tiɲɛn na i ka jolisɛbɛ DPA kan. I ye koo minw latigɛ joli fan fɛ, i ka kan k’o fɔ ka gwɛ i ka mɔgɔ sɔbɛw ye minw tɔgɔw be i ka jolisɛbɛ kan. O fɔ fana i ka somɔgɔw ye minw tɛ Jehova Seerew ye.