Furakɛcogo fisaman ye mun ye?

Dɔgɔtɔrɔw kuntigi dɔ, Michael Rose, y’a fɔ ko: “Banabagatɔ operasɔn mana kɛ ni joli ma don a la, a ye furakɛcogo fisaman lo sɔrɔ tiɲɛn na.” Fɛɛrɛ jumanw be dɔgɔtɔrɔw bolo ka mɔgɔ fura kɛ n’u ma joli don a tigi la? I ka kan k’o lɔn walisa ka se ka ŋaniya ta, i be min faamu, ka ɲɛsin furakɛcogo ni operasɔn koo ma. A’ ye videwo nin filɛ, Pas de sang : la médecine relève le défi. O kɔ, i ka tɛmɛ jukɔrɔla ɲiningaliw fɛ k’i ka faamuli kɔrɔbɔ ka filɛ.—I janto: Videwo nin be operasɔn baara yira tuma kelen-kelen na. O kama, bangebagaw ka kan ka hakili sɔrɔ k’a latigɛ n’u denmisɛnw be se k’a filɛ fana.

1) Kuun fɔlɔ juman kama Jehova Seerew be ban ka joli don u fari la? 2) Ka taga fura kɛli faan fɛ, Jehova Seerew be mun lo fɛ? 3) Banabagatɔ ka joo jɔnjɔn ye mun ye? 4) N’an be furakɛcogo wɛrɛw sugandi joli nɔɔ na, mun na o ye an yɛrɛ ka koo ye, ani hakilintanya koo tɛ? 5) Mɔgɔ ka joli mana bɔn caaman, dɔgɔtɔrɔw ka kan k’u janto joona-joona koo fila jumanw lo la fɔlɔ? 6) Koo naani jumanw ka kan ka jati ka sɔrɔ ka mɔgɔ fura kɛ ni joli ma don a la? 7) Cogo juman na dɔgɔtɔrɔw be se ka: a) jolibɔn hakɛ dɔgɔya, b) jolikisɛwulenw tanga, c) fari lasun a ka joli dilan a yɛrɛ ma, ani d) ka joli cɛ operasɔn kɛtɔ? 8) A’ ye fɛɛrɛ ninw lakali minw tɔgɔ ko: a) hemodilution ani b) ka joli cɛ operasɔn kɛtɔ. 9) Fura o fura be kɛ joli nɔɔ na, i ka ɲi k’a ɲini ka mun lɔn a koo la? 10) Yala operasɔnbaw ni operasɔn gwɛlɛnw be se ka kɛ ni joli ma don banabagatɔ la wa? 11) Yɛlɛmani nafaman juman be kɛra dɔgɔtɔrɔyako la?

Videwo nin be furakɛcogo minw yira, bɛɛ kelen-kelen lo b’a latigɛ n’a bena sɔn u dɔw la ka kɛɲɛ n’a dusukun ye min kolola Bibulu fɛ. Yala i y’a latigɛ i be sɔn furakɛcogo minw ma joli nɔɔ na, i yɛrɛ ye ani i deen ye wa? I fana ka kan k’i ka ŋaniyaw ɲɛfɔ ka gwɛ i somɔgɔw ye minw tɛ Seerew ye. I fana k’a ɲɛfɔ u ye mun lo ye i lasun k’o ŋaniyaw ta.—Barokun Questions des lecteurs lajɛ La Tour de Garde ninw kɔnɔ: Saan 2004, zuwɛn tile 15nan ta, ani saan 2000, ɔkutɔburu tile 15nan ta.