“Zurunali kɔrɔ wala kitabunin dɔ di min bɛnnin lo a tigi makoya ma”

Kalo dɔw la an be gafe Bibulu ka kalan kofɔ mɔgɔw ye ani an b’a ɲini ka bibulukalan kɛ n’u ye ɲɔgɔnyeko fɔlɔ la. N’an lamɛnbaga be n’o gafe ye ka ban ani a ma sɔn ka bibulukalan kɛ, u b’an jija ko an ka “zurunali kɔrɔ wala kitabunin dɔ di min bɛnnin lo a tigi makoya ma.” Mun na do?

Kitabuninw ani zurunali kɔrɔw be kuma bi ka koo caaman kan. U kɔnɔnako dɔ be se k’a tigi dusu sɔrɔ. O la do, n’i b’i ka sakɔsi labɛnna waajuli kama, i k’u dɔw don a kɔnɔ. Ni zurunali kɔrɔw tɛ i fɛ, i k’i ɲɛsin balimaw ma minw be zurunaliw kun na. Ni lamɛnbaga be ni gafe Bibulu ka kalan ye ka ban ani a ma sɔn ka bibulukalan kɛ, i be se ka zurunali kɔrɔ wala kitabunin dɔw yira a la ani k’a ɲini a fɛ a k’a ɲɛnata bɔ. O kɔ, i ka labɛn kɛ walisa ka segi ka na a dɛmɛ tugun. A laban, n’a sɔrɔ i bena se ka bibulukalan dɔ daminɛ n’a ye.