La Tour de Garde min sɛbɛra angilikan nɔgɔman na yala i b’a fɛ ka nafa sɔrɔ o la wa?

La Tour de Garde min ɲɛsinna kafo ma, ale be sɔrɔ angilikan nɔgɔman na fana sisan. Mɔgɔ sifa nunu be se ka nafa sɔrɔ a la: 1) Weleweledala minw be angilikan fɔ nka n’a sɔrɔ u ma lakɔli kɛ ka taga yɔrɔ jan, 2) Angilikan tɛ weleweledala minw ka kaan ye, 3) denmisɛnw ani lakɔliden minw ma janfa fɔlɔ lakɔli la ani 4) Bibulu kalanden minw mako b’a la Alakow ka sin ka fɔ cogo nɔgɔman na walisa u ka se k’u faamu.

O La Tour de Garde nɔgɔman ka dakunw nimɔrɔw, ɲiningaliw ani cɛtigɛw ye kelen ye ni fɔlɔ taw ye. U fila bɛɛ kɔnɔkow ye kelen ye, nka kuraman ka kumaw fɔcogo ka nɔgɔ. La Tour de Garde kalan ɲɛminɛbaga n’a kalanbaga bena baara kɛ ni kɔrɔman ye fɔɔ n’a y’a sɔrɔ ko lamɛnnikɛlaw fanba be nin La Tour de Garde nɔgɔman ye. La Tour de Garde nɔgɔman be minw bolo, olu bena a ye ko vɛrisew ni jaa minw be kɔrɔman kɔnɔ, o kelen lo be olu ta kɔnɔ fana. O la, u bena se ka tugu dakunw kalan kɔ ani ka lakalitaw kɛ.

Minw b’a miiri k’o La Tour de Garde nɔgɔman bena olu nafa, u ka kan k’a komandi kɛ balimacɛ fɛ min be zurunalikow kun na.