Yiracogo modɛliw
Bibulukalanw daminɛcogo desanburukalo ka samedi fɔlɔ la
“Saan wagati nin na, mɔgɔ caaman be miiri Yesu koo la. E ka miiriya la, Yesu ye koo minw kɛ, u bɛɛ la belebeleba ye juman ye? [Mɛnni kɛ a tigi fɛ.] Barokun nin filɛ ɲɛɛ 16nan kan.” I ka desanburu tile fɔlɔ ka La Tour de Garde di a tigi ma. A’ ye ɲiningaliw la kelen ka jaabili lajɛ ɲɔgɔn fɛ ani vɛrise minw kofɔra yen, a’ ye u la kelen ɲɔgɔn kalan. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.
The Watchtower December 1
“Saan wagati nin na, Nowɛli miiriya lo be mɔgɔ caaman kuun na. E ka miiriya la, koo nunu na, juman lo be mɔgɔw lasun ka nowɛli seli kɛ? [O koow yira a tigi la ɲɛɛ 3nan kan ani mɛnni kɛ a fɛ. O kɔ, barokun min be bɛn ale ɲɛnata ma, i k’o yɔrɔ ɲini ani barokun basiginin be vɛrise min kan, i k’o kalan.] Zurunali nin b’a yira cogo nafaman minw na an be se k’an hakili to Yesu la saan kuru bɛɛ kɔnɔ n’an tɛ dan Nowɛli wagati dama ma.”
Awake! December
“An nana bɔ aw ye sabu mɔgɔ caaman dusu tiɲɛnin lo ani degun be u kan. Bi tilew la, yala a be e ɲɛna ko mɔgɔw tɛ sera ka muɲu tugun wa? [Mɛnni kɛ a tigi fɛ.] Mɔgɔ dɔw lara a la ko gwɛlɛya min kofɔra kiraya kuma nin na, o lo b’an kan. [2 Timote 3:1 kalan.] Zurunali nin b’a ɲɛfɔ fɛɛn min kama muɲubaliya man ɲi ani a be ladili di k’a yira cogo min na an be se k’an jija tugun ka muɲuli kɛ.”