Yiracogo modɛliw
Bibulukalanw daminɛcogo desanburukalo ka samedi fɔlɔ la
“An be bɔra mɔgɔw ye k’u dɛmɛ denbayako ta fan fɛ. Bangebaga caaman b’a fɛ u deenw ka Ala kanu. Ele ka miiriya la, bangebagaw lo ka kan k’u deenw degi o la walima denmisɛnw lo ka kan k’a ɲini ka Ala kanu u yɛrɛ ma?” Mɛnni kɛ a tigi fɛ. Desanburukalo tile fɔlɔ ka La Tour de Garde ɲɛɛ laban yira a tigi la. A’ ye ɲiningali fɔlɔ ka jaabili kalan ɲɔgɔn fɛ. A’ y’o dakun ka vɛrise kelen ɲɔgɔn kalan fana. Zurunaliw to a tigi fɛ, ani labɛn kɛ ka segi ka na ɲiningali nɔfɛta ka jaabili lajɛ n’a ye.
La Tour de Garde 1er décembre
“An be baro kɛra ni mɔgɔw ye Ala koo la. An b’a lɔn ko bɛɛ be n’a ka miiriya ye Ala koo la. Ele fɛ, mɔgɔw fanba be Ala jati i ko u teri, min b’a janto u la wa? [Mɛnni kɛ a tigi fɛ.] Ala b’a fɛ an ka jɛnɲɔgɔnya sifa min kɛ n’ale ye, bibulusen nin b’o lo yira. [Zaki 4:8a kalan.] An be se ka koo saba minw kɛ walisa k’an magwɛrɛ Ala la, zurunali nin b’o lo yira.”
Réveillez-vous ! Décembre
“An be kumana ni mɔgɔw ye kɛnɛyako dɔ la min ye mɔgɔ caaman ka haminanko ye. Lɔnnikɛlaw ka fɔta la, mɔgɔ naani kan, hakiliɲagami bana bena mɔgɔ kelen sɔrɔ wagati dɔ la a ka ɲɛnamaya kɔnɔ. I m’a kɔrɔsi k’o bana nin be mɔgɔ caaman sɔrɔla wa? [Mɛnni kɛ a tigi fɛ.] Bibulu be an jigi sigi siniɲasigi koo la. A b’a fɔ ko bana ni dimi si tɛna kɛ dugukolo kan tugun. [Yirali 21:3, 4 kalan.] Fɛɛn damanin kofɔra zurunali nin kɔnɔ hakiliɲagami bana koo la. An kelen kelen bɛɛ ka kan k’a ɲini k’u lɔn.”