Baara kɛ ni jw.org ye waajuli la: “I ka kɛ Jehova teri ye”

Jw.org kan faransɛkan na, yɔrɔ dɔ labɛnna denmisɛnw kosɔn ko: “Deviens l’ami de Jéhovah.” A filɛ yɔrɔ nin na: LA BIBLE ET VOUS > ENFANTS. Dɔnkiliw, videwow ani baara kɛtaw be sɔrɔ yen. Yala i delila ka baara kɛ n’u ye waajuli la wa? N’i be kalan kɛra ni bangebaga dɔ ye ani denmisɛnw b’a fɛ, i k’o yɔrɔ yira a la jw.org kan. O be se k’a tigi lasun ka yɔrɔ wɛrɛw lajɛ an ka site web kan.

Masaya kibarow n^o 38 jɛnsɛntɔ, balimacɛ dɔ y’o sɛbɛnin di muso dɔ ma. Muso y’a daminɛ k’a kalan kelen. A ka denmisɛnw tun b’a fɛ k’a lɔn mun lo be o sɛbɛnin kɔnɔ. Balimacɛ y’o ɲɛfɔ u ye dɔɔni ani a ye an ka site web ka ladɛrɛsi yira u la sɛbɛnin kɔɔ kan. Komi muso y’a mako don, balimacɛ ye Kalɛbu ka videwo dɔ yira u la a ka telefɔni na.

Balimamuso dɔ ye jw.org kofɔ a baarakɛɲɔgɔn dɔ ye min be ni deen fitininw ye. Kunnafoni minw be sɔrɔ jw.org kan denbayaw koo la, a y’u kofɔ a ye fana. O muso n’a deenw ye jw.org lajɛ ɲɔgɔn fɛ. Kɔfɛ, a y’a fɔ an balimamuso ye ko ale ka denmisɛnw tun b’a la ka munumunu luu kɔnɔ ani ka dɔnkili la ko: “Ala ka Kuma fɔ.” (Prêche la parole.) O dɔnkili be sɔrɔ jw.org kan yɔrɔ nin na: “Deviens l’ami de Jéhovah.”

A ɲini k’o yɔrɔ lɔn ka ɲɛ jw.org kan. Videwow, dɔnkiliw ani baara kɛta minw be sɔrɔ o yɔrɔ la, i k’u la dɔ telesarse ka don i ka telefɔni na. O la, yɔrɔ min labɛnna denmisɛnw kosɔn jw.org kan, i bena se ka baara kɛ n’o ye waajuli la. Baarakɛfɛn nafaman lo min b’an dɛmɛ ka Matigi ka baara kɛ i ko jɔɔn!—Kɛw. 20:19.