An ka site Web daganin: Baara kɛ n’a ye kelenna kalan ni gwakalan wagati la
Zurunali kuraw kalan ɛntɛrɛnɛti kan: Kɔn ka La Tour de Garde ni Réveillez-vous ! kalan ɛntɛrɛnɛti kan sanni u ka se kafo kɔnɔ kɔfɛ lɔgɔkun caaman tɛmɛnin kɔ. I ka zurunaliw kalan lamɛn jw.org kan.—A filɛ “ Publi-cations/Revues ” yɔrɔ la.
An ka barokun minw be sɔrɔ site Web jw.org dɔrɔn kan, olu fana kalan: Sisan barokun dɔw bena sɔrɔ an ka site Web dɔrɔn kan, i n’a fɔ: “ Pour nos jeunes lecteurs, ” “ Comptines bibliques, ” “ Le coin des familles, ” ani “ Les jeunes s’interrogent. ” O barokun dɔw lajɛ kelenna kalan wala gwakalan wagati la ɛntɛrɛnɛti kan.—A filɛ “ La Bible et vous/Enfants ” wala “ La Bible et vous/Adolescents ” yɔrɔ la.
An ka kunnafoni kuraw lajɛ: Lakalitaw ni wale diiman dɔw lajɛ ani videwo dɔw filɛ walisa k’a lɔn an ka baara be yiriwala cogo min na duniɲa kɔnɔ. Kunnafoni dɔw b’a yira balawow ni kɔrɔbɔli minw y’an balimaw sɔrɔ. U bena an dɛmɛ an k’o balimaw koo fɔ an ka deliliw kɔnɔ (Yak. 5:16).—A filɛ “Actualités” yɔrɔ la.
Bibliothèque en ligne lajɛ ka sɛgɛsɛgɛri kɛ a kɔnɔ: Ni Bibliothèque en ligne be sɔrɔ i ka siyakan na, i ka tɛmɛ ɔridinatɛri wala telefɔni n’a ɲɔgɔnna fɛɛn dɔ fɛ ka tilera kalan lajɛ wala ka sɛgɛsɛgɛri kɛ an ka gafe dɔw kɔnɔ minw bɔra kɔsa la.—A filɛ “ Publications/Bibliothèque en ligne ” yɔrɔ la wala i ka www.wol.jw.org sɛbɛ ladɛrɛsiw sɛbɛyɔrɔ la.
[Koorilen ɲɛɛ 4 kan]
(Sɛbɛ yɛrɛ lajɛ walisa k’ a faamu ka ɲɛ)
A kɛ ka filɛ
1 Butɔn digi jaa wala “ Téléchargement ” yɔrɔ la. N’i ye butɔn digi jaa kan ɲɛɛ dɔ be yɛlɛ PDF cogo la. O ɲɛɛ labɔ sɛbɛ kan ani a di i deen ma.
2 Walisa ka videwo filɛ butɔn digi tagamasiɲɛ kan a cɛmancɛ la.