An ka site Web daganin: Baara kɛ n’a ye waajuli la
An ka mɔgɔw jija u ka baara kɛ ni jw.org ye: Mɔgɔ dɔw be sigasiga ka baro kɛ n’an ye wala ka gafew minɛ an fɛ. Nka, a ka di u ye ka sɛgɛsɛgɛri kɛ u yɛrɛ ma Jehova Seerew koo la jw.org kan u ka soo. O kama, tuma o tuma n’a bɛnnin lo, an k’o site Web kofɔ mɔgɔw ye.
Ɲiningaliw jaabicogo: Tuma dɔw la, an lamɛnbaga, makodon mɔgɔ wala an lɔnbaga dɔ be se k’an ɲininga Jehova Seerew koo la wala an ka lannakow la. An ka tɛmɛ ɔridinatɛri wala telefɔni n’a ɲɔgɔnna fɛɛn dɔ fɛ ka sin ka jaabili yira a la ɛntɛrɛnɛti kan. A ka fisa an ka vɛrisew kalan Bibulu yɛrɛ kɔnɔ. Ni ɛntɛrɛnɛti sɔrɔcogo tɛ i fɛ, a ɲɛfɔ a tigi ye cogo min na ale yɛrɛ be se ka jaabili sɔrɔ jw.org kan.—A filɛ “ La Bible et vous/Questions bibliques ” wala “ Qui sommes nous/Questions fréquentes ” yɔrɔ la.
Barokun wala gafe dɔ ci i lɔnbaga dɔ ma: Gafe wala barokun dɔ telesarse PDF wala EPUB cogo la k’a ci mɔgɔ ma ɛntɛrɛnɛti kan. I be se fana ka gafe dɔ kalan kaan telesarse k’a don CD kɔnɔ. Tuma o tuma, n’i ye gafe, kitabunin wala zurunali kuturu bɛɛ telesarse k’a ci mɔgɔ dɔ ma min ma batise fɔlɔ, i be se k’o jati i ka rapɔɔri kɔnɔ. An man kan ka gafe ci mɔgɔ dɔ ma n’an m’an tɔgɔ fɔ a tigi ye. An kana mɔgɔ caaman ka ladɛrɛsiw fara ɲɔgɔn kan ka gafe ci u bɛɛ ma yɔrɔnin kelen. An kana an ka gafew telesarse k’u bila abada site Web wɛrɛ kan.—A filɛ “ Publications ” yɔrɔ la.
Kunnafoni kuraw yira mɔgɔw la Jehova Seerew koo la: O bena a to an be baara min kɛ duniɲa kuru bɛɛ kɔnɔ ani kelenya min be an ni ɲɔgɔn cɛ, o koo bena diya Bibulu kalandenw ni mɔgɔ wɛrɛw ye (Zab. 133:1).—A filɛ “ Actualités ” yɔrɔ la.
[Koorilen ɲɛɛ 5 kan]
(Sɛbɛ yɛrɛ lajɛ walisa k’ a faamu ka ɲɛ)
A kɛ ka filɛ
1 “ Publications ” yɔrɔ la, i mako be gafe min na i k’o yɔrɔ ɲini ani i ka EPUB, PDF, MP3 wala AAC telesarse.
2 “ MP3 ” butɔn digi walisa ka barokunw lisi dayɛlɛ. I be barokun min fɛ i k’o sugandi k’a telesarse wala i ka nin ▸ digi k’a kalan lamɛn ɛntɛrɛnɛti kan.
3 I ka kaan wɛrɛ sugandi lisi nin kɔnɔ n’i b’a fɛ ka gafe dɔ telesarse o kaan na.