An be se ka kɛ ni kɔrɔtɔ miiriya ye waajuli koo la cogo di?

A kɔrɔtanin lo an ka kɛ ni kɔrɔtɔ miiriya ye. An tɛ se ka kisi duniɲa nin laban wagati la n’o miiriya tɛ an na. An bena kɛ ni kɔrɔtɔ miiriya ye koɲuman n’an be tugu ladili nunu kɔ:

• Delili kɛ tuma o tuma Masaya koo la.—Mat. 6:10.

• Bibulu kalan loon o loon walisa k’i dusukun tanga.—Eburuw 3:12.

• I k’i ka wagati kɛ ni hakilitigiya ye.—Efɛz. 5:15, 16; Filip. 1:10.

• I ɲɛɛ jɔlen to koo kelen kan. Kana a to duniɲa negew k’i lafili.—Mat. 6:22, 25; 2 Tim. 4:10.

• To k’a filɛ cogo min na Bibulu ka kiraya kuma be dafara. O la, i bena to ɲɛɛ na.—Mariki 13:35-37.

N’an be ni kɔrɔtɔ miiriya ye, o bena an lasun an k’an seen don bɛrɛbɛrɛ waajuli baara la, o min bena ban yanni dɔɔni!—Zan 4:34, 35.