A ɲini k’i ka waajuli kɛcogo fisaya: Bibulukalan kɛcogo ɲɛyira ni gafe Bibulu ka kalan ye

Mun na a kɔrɔtanin lo: Mɔgɔ caaman t’a faamu bibulukalan kɔrɔ ye min ye. N’a sɔrɔ u b’a miiri ko u ka kan ka jɛn ni jɛnkulu dɔ ye ka kalan kɛ wala k’o kalan kɛ fɛɛrɛ dɔ sababu fɛ i n’a fɔ lɛtɛrɛfalen. An kana dan ka bibulukalan kofɔ u ye dɔrɔn. An k’o kalan kɛcogo ɲɛyira u la fana. Miniti damanin dɔrɔn kɔnɔ, i be se k’a yira i lamɛnbaga la ko bibulukalan ka nɔgɔ ani a nafa ka bon kosɔbɛ! O be se ka kɛ a tigi ka bonda la yɛrɛ.

A kɛcogo:

Foli kɛnin kɔ, lamɛnnikɛla ɲininga n’a be hami siniɲasigi koo la.
A fɔ a ye ko o lo ye mɔgɔ caaman ka haminanko ye. O kɔ, gafe Bibulu ka kalan ka sapitiriw yira a la. A ɲɛfɔ a ye k’o kalansenw faamuyali ka nɔgɔ ani k’u b’a yira Bibulu be min fɔ siniɲasigi koo la ani koo wɛrɛw la. A ɲininga ko kalansen juman lo ka di a ye.
Gafe kelen di a ma. A tun ye kalansen min sugandi, gafe yɛlɛ o kalansen yɔrɔ la. A ɲɛfɔ a ye ko ɲiningali minw be kalansen daminɛ na, u jaabiliw be sɔrɔ dakun nɔfɛtaw la.
Ni lamɛnnikɛla be se kalan na ani n’a b’a fɛ ka kalan kɛ, i k’a ɲini a fɛ a ka dakun fɔlɔ kalan. O kɔ, dakun ka ɲiningali kalan ani aw k’a jaabili lajɛ ɲɔgɔn fɛ. Dakun ka vɛrise minw ɲɛsinna jaabili ma, aw k’u lajɛ Bibulu kɔnɔ ani ka baro kɛ u kan. A yira a la cogo min na i ye jaabili kɔrɔ ci i ka gafe kɔnɔ.
Aw ka dakun nɔfɛta lajɛ. Nka sisan, i k’a ɲini lamɛnnikɛla fɛ a ka ɲiningali jaabi a yɛrɛ kumacogo la.
Lamɛnnikɛla tando ani labɛnw kɛ ka kɔsegi ka na kalansen tɔɔ lajɛ n’a ye.
Videwo nin be sɔrɔ jw.org kan: An be bibulukalan kɛ ni mɔgɔw ye cogo di? N’a bɛnnin lo, o yira a la.

Nin kɛ ka filɛ kalo nin na:

I jija ka bibulukalan dɔ daminɛ ani Jehova deli a k’i dɛmɛ k’o kɛ.—Filip. 2:13.
A ɲini ka bibulukalan kɛcogo ɲɛyira ni gafe Bibulu ka kalan ye. I be se k’a ɲini fana ka videwo nin yira mɔgɔ dɔ la siɲɛ kelen ɲɔgɔn waajuli kɛtɔ: An be bibulukalan kɛ ni mɔgɔw ye cogo di?