I SƆBƐ DON WAAJULI BAARA LA
A ɲini k’i ka waajuli kɛcogo fisaya: Zurunali yiracogo labɛn i yɛrɛ ma
MUN NA A KƆRƆTANIN LO: Tiɲɛn lo ko yiracogo modɛli minw be lajɛnsɛbɛ kɔnɔ, u be se k’an dɛmɛ, nka ɲɛyiraliw dama lo. I ka kan k’u fɔ i yɛrɛ kumacogo la. N’a sɔrɔ yiracogo wɛrɛ ka di i ye wala i b’a miiri ko barokun wɛrɛ lo bena diya i ka kiinmɔgɔw ye. N’o lo, zurunali kalanni kɔ, yiracogo modɛliw lajɛ ani u ka videwow filɛ. O kɔ, i be se ka tɛmɛ ladili nunu fɛ k’i ka yiracogo labɛn.
A KƐCOGO:
I yɛrɛ ɲininga ko: “Yala ne b’a fɛ ka baara kɛ ni yiracogo modɛli nunu dɔ ye wa?”
ƆNHƆN
Baro dadonkumaw labɛn i yɛrɛ kumacogo la. Foli kɛnin kɔ, i nakun fɔ ka gwɛ. (I be se k’a fɔ ko: “N’ nana bɔ aw ye sabu . . . ”)
N’i ye ɲiningali kɛ, a filɛ i bena min fɔ ka sɔrɔ ka vɛrise kalan. O kɔ, a filɛ i bena min fɔ ka sɔrɔ ka zurunali di a tigi ma. (I be se ka vɛrise dadon nin cogo la: “O ɲiningali jaabira koɲuman yan.”)
AYI
Barokun dɔ sugandi zurunali kɔnɔ min diyara i ye ani min bena diya kiinmɔgɔw ye.
A filɛ i bena ɲiningali min kɛ walisa k’a tigi lasun a k’a ka miiriya fɔ ani k’a daa don baro la. O ɲiningali man kan k’a tigi kɔnɔ gwan. (A be se ka kɛ zurunaliw ɲɛɛ 2nan ka ɲiningaliw dɔ ye.)
Vɛrise dɔ sugandi i bena min kalan. (N’i be Réveillez-vous ! lo yirala, waajibi tɛ i ka vɛrise dɔ kalan. O zurunali labɛnna mɔgɔ sifa nunu kama: minw tɛ Bibulu lɔn ka ɲɛ ani n’a sɔrɔ u yɛrɛ lanin tɛ diinanw na.)
Kumasen kelen wala fila labɛn walisa k’a tigi dɛmɛ a k’a faamu k’o zurunali kalan bena a nafa bɛrɛbɛrɛ.
A MANA KƐ MIN O MIN YE
Ɲiningali dɔ labɛn i bena min jaabi siɲɛ wɛrɛ.
I b’a fɛ ka min fɔ siɲɛ wɛrɛ, i k’o sɛbɛ walisa i kana ɲinɛ.