Tile saba lajɛnba ka kanpaɲi

Tile saba lajɛnbaw ye fɛti ye an fɛ Alako ta fan fɛ. Saan o saan, an kɔrɔtɔnin lo k’u diyabɔ. Walisa mɔgɔ caamanba fana k’a nɛnɛ k’a ye ko Jehova ka ɲi, an bena u weele ka na o lajɛnba la (Zab. 34:9). Diinan mɔgɔkɔrɔw jɛnkuluw lo bena a latigɛ baara be se ka kɛ ni welelisɛbɛw ye cogo fisaman min na.

AN KA KAN KA MIN TO AN HAKILI LA

• Ne ka tile saba lajɛnba bena kɛ tuma juman?

• Kanpaɲi be daminɛ tuma juman an ka kafo kɔnɔ?

• Waajulibaara lajɛnw bena kɛ tuma juman an ka kafo kɔnɔ?

• Ne ka laɲinita ye mun lo ye kanpaɲi tuma na?

• Ne b’a fɛ ka jɔn lo weele ka na?

I BENA MIN FƆ

Foli kɛnin kɔ, i be se k’a fɔ ko:

“Duniɲa kuru bɛɛ kɔnɔ, an be mɔgɔw weelela ka na kooba dɔ la. A bena kɛ loon min na, wagati min na ani yɔrɔ min na, o bɛɛ be sɔrɔ sɛbɛ nin kan. N’i nana, a bena diya an ye.”

MAKODONMƆGƆW DƐMƐCOGO

Tiɲɛn lo ko an b’a fɛ ka mɔgɔ caamanba weele ka na lajɛnba la. Nka minw y’u mako don, an ka teliya k’u dɛmɛ Alako ta fan fɛ.

Wikɛniw na, an be se ka zurunali fara welelisɛbɛ kan k’u di mɔgɔw ma.