U bisimila ni dusudiya ye

Ka jɔn bisimila ni dusudiya ye? Mɔgɔ o mɔgɔ nana an ka lajɛnw na: mɔgɔ kuraw fara mɔgɔ kɔrɔw kan (Ɔrɔm. 15:7; Eburuw 13:2). A be se ka kɛ an kerecɛnɲɔgɔn dɔ ye min bɔra jamana wɛrɛ la wala kerecɛn sumanin dɔ min siɲɛ fɔlɔ lo ka na lajɛn na kabi saan caaman. Miiri k’a filɛ ni ele tun lo, o bena min kɛ i la. Yala a tun tɛna diya i ye wa? (Mat. 7:12). N’o lo, mun na i tɛ jijaliba kɛ Masaya Boon na ka tɔɔw fo sanni lajɛn ka daminɛ ani a banni kɔ? N’o kɛra, o be na ni dusudiya ni kanuya ye kafo kɔnɔ ani o be bonya la Jehova kan (Mat. 5:16). N’a sɔrɔ an tɛna se ka kuma bɛɛ fɛ lajɛn na. Nka, n’an bɛɛ y’an niin don, bɛɛ ninsɔn bena diya ka kɛ lajɛn na.a

An t’a yira ko an ye lonan ladonbaga sɔbɛw ye Hakilijigi lajɛn tuma dɔrɔn na, nka tuma bɛɛ. Kanuya min be an cɛ, ni mɔgɔ kuraw y’o nɛnɛ, n’a sɔrɔ o bena u lasun ka Ala tando ani ka fara an kan batoli senuman na.—Zan 13:35.