Baro daminɛcogo ni sɛbɛninw ye

Kabi saan 2018 zanwiyekalo la, barokɛcogo modɛliw be sɔrɔ an ka Lajɛnsɛbɛw ɲɛɛ fɔlɔ kan. U y’an jija an ka banba ka baro kɛ ni mɔgɔw ye sanni k’an ka gafew di u ma dɔrɔn. Ka se ka weleweledalaw dɛmɛ o la, barokɛcogo modɛli ka videwow labɛnna walisa k’a yira cogo min na an be se ka basigi Bibulu dɔrɔn kan ka baro daminɛ ni dɔ ye. Nka, yala o kɔrɔ ko an man kan ka baara kɛ ni an ka gafew ye tugun n’an be waajuli kɛra soo ni soo wa? Ayi! Ɲɛyirali fɛ, sɛbɛninw be se k’an dɛmɛ ka baro daminɛ cogo ɲuman na. Fɛɛrɛ nin be se k’an dɛmɛ n’an be baara kɛra ni sɛbɛninw ye:

1. Ɲiningali min be sɛbɛnin ɲɛɛ fɔlɔ kan, o kalan.

2. Vɛrise min be ɲɛɛ 2nan sanfɛ, o yira. Ni wagati be yen, o sɛbɛnin kɔnɔko dɔw kalan ani baro kɛ u kan.

3. O sɛbɛnin di lamɛnnikɛla ma ani a jija a k’a tɔɔ kalan wagati min k’a diya.

4. Ɲiningali dɔ be sɔrɔ yɔrɔ nin jukɔrɔ: “Miiri k’a filɛ.” O yira a la ani labɛn kɛ ka na siɲɛ wɛrɛ walisa k’a yira Bibulu be min fɔ o koo la.

N’i segira ka taga bɔ a ye, o ɲiningali jaabi ani ɲiningali wɛrɛ kɛ baro bena basigi min kan siɲɛ wɛrɛ. I be se ka ɲiningali dɔ sugandi an ka site web kan. An ka gafe min kofɔra sɛbɛnin ɲɛɛ laban kan, i be se ka ɲiningali dɔ sugandi a kɔnɔ fana. Wagati bɛnnin na, kitabunin nin kofɔ: Kibaro diiman min bɔra Ala yɔrɔ. Wala, kalankɛ gafe wɛrɛ kofɔ.