Yala i labɛnnin lo wa?

Ni balawoko dɔ kɛra i ka mara la, yala o bena a sɔrɔ ko i labɛnnin lo wa? Koo nunu be se ka bari an na ani ka tiɲɛniba kɛ: dugukoloyɛrɛyɛrɛ, sanfɔɲɔba, ni tasuma donna tuu kɔnɔ, ani ni sanjiba benna. Ka fara o kan, benkannikow, kɛlɛ ani bana yɛlɛmataw be se ka cun mɔgɔw kan yɔrɔ dɔ la hali u yɛrɛ tɛ sɔmi o ma (Waaj. 9:11). An tɛ se k’a fɔ k’o koo ɲɔgɔn tɛ se ka kɛ an sigiyɔrɔ la.

An kelen kelen bɛɛ ka ɲi ka dɔ kɛ dɔ ye walisa k’an yɛrɛ labɛn balawokow kama (Talenw 22:3). Hali ni Jehova ka ɔriganisasiyɔn b’an dɛmɛ balawo tuma na, o kɔrɔ tɛ ko an man kan k’an yɛrɛ labɛn balawokow kama.—Gal. 6:5.

VIDEWO NIN FILƐ: I LABƐNNIN LO BALAWOKOW KAMA WA? O KƆ, ƝININGALI NUNU JAABI:

• 

  Ni jɛnɲɔgɔnya ɲuman b’an ni Jehova cɛ, o be se k’an dɛmɛ cogo di ni balawoko dɔ kɛra?

• 

  Mun na a kɔrɔtanin lo . . .

  • • an ka to ka kaan bɔ diinan mɔgɔkɔrɔw ma sanni balawo ka kɛ, balawo tuma na ani balawo kɛnin kɔ?

  • • an ka minan dɔw labɛn an bena boli ni minw ye?—g17.5-F 6

  • • an k’a filɛ balawo sifa minw be se ka kɛ ani an bena min kɛ u kelen kelen bɛɛ la?

• 

  An be se ka koo saba jumanw lo kɛ walisa ka tɔɔw dɛmɛ ni balawo dɔ cunna u kan?