I labɛnnin ka to “laban tuma” ka laban loonw na

K’an to laban tuma ka laban loonw na, gwɛlɛyaw bena to ka juguya ka taga (2 Tim. 3:1; kunnafoni Matiyo 24:8 koo la, nwtsty kɔnɔ). Ni balawo dɔ cunna Jehova sagokɛlaw kan, tuma caaman na u be cikanw sɔrɔ wagati bɛnnin na, o minw be se k’u niin kisi. O la, n’an b’an yɛrɛ labɛn Alako ta fan fɛ ani ka minan dɔw labɛn kabini sisan, an ka kisili be se ka bɔ o le la.—Luka 16:10.

• I yɛrɛ labɛn Alako ta fan fɛ: Kɛ ni delinanko ɲumanw ye. Waajuli kɛcogo wɛrɛw degi. N’i tɛ se ka jɛn ni balimaw ye wagati damanin kɔnɔ, kan’a to o k’i hakili ɲagami (Ezayi 30:15). I k’a lɔn ko Jehova ani Yezu be n’i ye tuma bɛɛ.—od-F 176 § 15-17.

• Minan dɔw labɛn: Gwaso kelen kelen bɛɛ ka ɲi ka sakiw labɛn k’a bila balawo kama. K’a fara o kan, u ka ɲi ka dumuni, jii, fura ani a ɲɔgɔnnafɛn dɔw mara. O bena u dɛmɛ n’a sɔrɔla ko u dogonin ka ɲi ka to yɔrɔ dɔ la wagati damanin kɔnɔ.—Talenw 22:3; g17.5-F 4, 6.

VIDEWO NIN FILƐ: I LABƐNNIN LO BALAWOKOW KAMA WA? O KƆ, ƝININGALI NUNU JAABI:

• 

  An be se k’an yɛrɛ labɛn cogo di Alako ta fan fɛ balawoko dɔ kama?

• 

  Mun na an ka ɲi ka . . .

  • to ka kaan bɔ diinan mɔgɔkɔrɔw ma?

  • minan dɔw labɛn an bena boli ni minw ye?

  • a filɛ balawo sifa minw be se ka kɛ ani an bena min kɛ u kelen kelen bɛɛ la?

• 

  An be se ka koo saba jumanw lo kɛ walisa ka tɔɔw dɛmɛ ni balawo dɔ cunna u kan?

I YƐRƐ ƝININGA KO: “N’ be se ka kalan jumanw lo sɔrɔ Coronavirus (COVID-19) fɔɲɔbana nin koo la min b’a yira ko n’ labɛnnin ka ɲi ka to balawokow kama?”