KERECƐNW KA ƝƐNAMAYA

Yala i be se k’i ka wagati n’i fanga kɛ ka dɛmɛ don wa?

Balimacɛ dɔ be nɛgɛ tigɛra santiye dɔ kan ani a be yɛlɛmisɛn kɛra.

I ko kira Ezayi tun kɔnna k’a fɔ cogo min na, Jehova ka ɔriganisasiyɔn faan min be dugukolo kan, o be yiriwala bi ka tɛmɛ sanga ni wagati bɛɛ kan (Ezayi 54:2). O kama, an mako b’a la ka Masaya Boonw, lajɛnba boonw ani Betɛli boon kuraw lɔ. O boonw lɔnin kɔ, an ka ɲi k’u ladon, ani a laban an ka ɲi k’u dɔw lakuraya. O be sababu jumanw lo di an ma k’an ka wagati n’an ka fanga di Jehova ma?

N’an ka waajulikɛ jɛnkulu lo ka ɲi ka Masaya Boon saniya, an k’an niin don o la.
An be se k’an yɛrɛ di walisa ka fɔrɔmasɔn sɔrɔ Masaya Boon ladonko la.
An be se ka sɛbɛ DC-50 (Demande d’admission comme volontaire local développement/construction) dafa walisa ka dɛmɛ don tuma kelen kelen batoli boonw lɔli baara wala u ladonko la an ka mara la.
An be se ka sɛbɛ A-19 (Demande d’admission comme volontaire) dafa walisa ka dɛmɛ don lɔgɔkun kelen wala lɔgɔkun caaman baara dɔ la min be kɛ Betɛli la wala Betɛli ka biro dɔ la.

VIDEWO NIN FILƐ: LABƐNW, BOON KURA DƆ LƆLI KAMA—A YƆRƆ DENNIN DƆ. O KƆ, A’ YE ƝININGALI NUNU JAABI:

A ɲɛfɔ cogo min na kabi saan 2014 an be baara kɛra ni videwow ye kosɔbɛ ka tɛmɛ fɔlɔ kan.
Walisa ka to ka videwo caaman bɔ, lɔli baara juman lo bilara sen kan, ani o lɔli baara bena daminɛ ani ka ban tuma juman?
An be se ka mun lo kɛ walisa k’an yɛrɛ di ka dɛmɛ don o lɔli baara la?
N’an b’a fɛ ka taga dɛmɛ don Ramapo lɔli baara la, mun na an ka ɲi ka demandi DC-50 dafa ani k’an seen don lɔli baara dɔw la an ka mara la?
Mun lo b’a yira ka gwɛ ko Jehova b’o baara ɲɛminɛna?
An be se ka dɛmɛ don o baara la cogo di hali n’an tɛ se ka taga yen an ka koow cogoya kosɔn wala ni an siginin tɛ Etazini ka Tɔnbolo mara la?