Bibulu kalandenw degi u k’u yɛrɛ balo Alako ta fan fɛ

Ni Bibulu kalandenw b’a fɛ k’u ka Alako nege wasa ani ka ɲɛtaga kɛ Alako ta fan fɛ, an b’u kalan min na, u man kan ka dan o dɔrɔn ma (Mat. 5:3; Eburuw 5:12–6:2). U ka ɲi k’a lɔn fana cogo min na u be se k’u yɛrɛ balo Alako ta fan fɛ.

N’i ye bibulukalan daminɛ ni mɔgɔ dɔ ye dɔrɔn, a yira a tigi la a be se k’a ka bibulukalan labɛn cogo min na, ani a jija a k’o kɛ (mwb18.03 6). A tigi jija ko n’a b’a fɛ ka kelenna kalan kɛ tuma o tuma, a ka delili kɛ fɔlɔ. An ka baarakɛminan minw labɛnna kelenna kalan kama ani u be sɔrɔ an ka site web kan wala aplikasiyɔnw kɔnɔ, kalanden dɛmɛ a k’a lɔn baara be kɛ n’u ye cogo min na. A be se ka fɛɛn kuraw sɔrɔ jw.org ani JW Telewisɔn kan cogo min na, o ɲɛfɔ a ye. To k’a yira kalanden na dɔɔni dɔɔni ko a ka ɲi ka Bibulu kalan loon o loon, ka kafo ka lajɛnw labɛn ani ka sɛgɛsɛgɛri kɛ walisa k’a ka ɲiningaliw jaabili sɔrɔ. A be min kalanna, a dɛmɛ a ka miiri o kan.

VIDEWO NIN FILƐ: I KA BIBULU KALANDENW DƐMƐ U K’U YƐRƐ BALO ALAKO TA FAN FƐ. O KƆ, ƝININGALI NUNU JAABI:

• 

  Rita ye Jade dɛmɛ cogo di a k’a faamu ko ka bibulukalan kɛ, o tɛ dan ka ɲiningaliw jaabili lɔn dɔrɔn?

• 

  Mun lo ye Jade dɛmɛ a y’a faamu ko joo be Jehova fɛ k’a fɔ ko an man kan ka kakalaya kɛ?

• 

  I ye min kalan, n’u ko ka wagati ta ka miiri o kan, Jade ye mun faamu o koo la?