I ka Bibulu kalandenw dɛmɛ u ka na lajɛnw na

Lajɛnw ye batoli faan dɔ ye min kɔrɔtanin lo kosɔbɛ (Zab. 22:23). Minw bɛɛ be ɲɔgɔn lajɛn ka Jehova bato, u be ninsɔndiya ni duga sɔrɔ o la (Zab. 65:5). Tuma caaman na, Bibulu kalandenw be ɲɛtaga kɛ joona joona n’u be to ka na lajɛnw na.

I be se ka mun lo kɛ k’i ka Bibulu kalandenw dɛmɛ u ka na lajɛnw na? To k’u jija u ka na lajɛnw na. Videwo nin yira u la: Mun lo be kɛ an ka Masaya boonw kɔnɔ? Lajɛnw nafa yira u la (lff kalansen 10). I ye kalan min sɔrɔ lajɛnw na, i be se k’o lakali u ye. Kalan minw bena kɛ lajɛn nata la, i be se fana k’u kofɔ u ye. Aw bena baara kɛ ni sɛbɛ minw ye lajɛnw na, u d’u ma. Ani, i ka kalandenw dɛmɛ cogo tigitigi dɔ la. N’a sɔrɔ u mako b’a la dɔ k’u ta ka taga n’u ye lajɛnw na. Tuma min na i ka kalandenw bena na lajɛn na a siɲɛ fɔlɔ la, i ben’a ye ko i ka jijaliw ma kɛ gwansan ye.—1 Kor. 14:24, 25.

VIDEWO NIN FILƐ: I KA BIBULU KALANDENW DƐMƐ U KA NA LAJƐNW NA. O KƆ, ƝININGALI NUNU JAABI:

• 

  Rita tɛmɛna sababu juman lo fɛ ka Jade weele ka na kafo ka lajɛn na?

• 

  Mun na an be ninsɔndiya ni Bibulu kalanden dɔ be na lajɛnw na?

• 

  Tuma min na Jade tagara lajɛn na a siɲɛ fɔlɔ la, mun lo kɛra?