I ka Bibulu kalandenw dɛmɛ u k’u yɛrɛ tanga jɛnɲɔgɔn juguw ma

Walisa ka teriya kɛ ni Jehova ye, i ka Bibulu kalandenw ka ɲi ka jɛnɲɔgɔn ɲumanw sugandi (Zab. 15:1, 4). Jɛnɲɔgɔn ɲumanw bena u lasun u ka koo tilenninw kɛ.—Talenw 13:20; lff kalansen 48.

N’i b’i ka Bibulu kalandenw dɛmɛna u ka ban jɛnɲɔgɔn juguw la, a yira u la ko i b’u faamu. N’a sɔrɔ u bena bondori lo kɛ walisa ka ban u teri kɔrɔw la. O kama, i mako don u la sɔbɛ la. Kana o kɛ bibulukalan tuma na dɔrɔn. Misali la, i be se ka mesazi ci u ma, k’u weele, wala ka taga bɔ u ye ka baro kɛ dɔɔni. N’i ka Bibulu kalandenw be ɲɛtaga kɛra, i be se k’u weele u ka na ɲɛnagwɛko dɔw la ni Ala sagokɛlaw ye. O cogo la, u ben’a ye ka gwɛ ko u be min sɔrɔ, o ka ca ka tɛmɛ u bɔnɛna min na (Mariki 10:29, 30). Ele fana bena ninsɔndiya sabu i ben’a ye ko dɔ be farala Jehova ka denbaya mɔgɔw kan.

VIDEWO NIN FILƐ: I KA BIBULU KALANDENW DƐMƐ U K’U YƐRƐ TANGA JƐNƝƆGƆN JUGUW MA. O KƆ, ƝININGALI NUNU JAABI:

• Jɛnɲɔgɔn juguw ye mun lo ye?—1 Kor 15:33.

• Jade tun b’a miiri ko kerecɛnw ka ɲɛnagwɛkow be cogo di?

• Rita ye Jade dɛmɛ cogo di a k’a yɛrɛ tanga jɛnɲɔgɔn juguw ma ani a ka kɛ ni jɛnɲɔgɔn ɲumanw ye?