Ka kɛ piyɔniye ye

An be baara kɛ n’an fanga ye hakilitigiya la n’an be laɲinitaw latigɛ Alako ta fan fɛ (1 Kor. 9:26). O laɲinitaw b’an dɛmɛ ka baara ɲuman kɛ n’an ka wagati ye sanni duniɲa nin laban ka se (Efɛz. 5:15, 16). Gwa kɔnɔ batoli dɔ la, mun na aw t’a filɛ aw be se ka laɲinita minw latigɛ waajuli baara saan nata kama? Barokun dɔw be sɔrɔ lajɛnsɛbɛ nin kɔnɔ minw be se k’aw dɛmɛ o la. An b’aw jija aw ka delili kɛ o koo la.—Zaki 1:5.

Misali la, ni denbayamɔgɔw bɛɛ be ɲɔgɔn dɛmɛ, yala u la dɔ tɛ se ka kɛ kudayi piyɔniye ye wa? N’i lanin t’a la ko i bena se k’i ka lɛriw sɔrɔ, baro kɛ ni piyɔniye dɔw ye minw ka koo bɔnin be i ta ma (Talenw 15:22). I yɛrɛ be se ka piyɔniye dɔ ɲininga a ka fɛtaw la aw ka gwa kɔnɔ batoli dɔ tuma na. O kɔ, i be se ka porogramu minw labato, u sɛbɛ ka bila. N’i tun ye piyɔniye ye fɔlɔ la, a filɛ n’i be se ka segi ka kɛ piyɔniye ye sisan.

A filɛ n’i ka denbayamɔgɔ dɔw tɛ se ka kɛ piyɔniye kɔrɔsigi ye kalo kelen wala kalo damanin. Hali ni fanga bɛrɛ t’i la, i be se ka kɛ o ye n’i be wagati dɔɔni kɛ waajuli la loon bɛɛ. N’i be se ka waajuli kɛ bɛrɛbɛrɛ wikɛni dɔrɔn na le sabu i be taga baara la wala lakɔliso, i be se k’a latigɛ ka kɛ piyɔniye kɔrɔsigi ye kɔnzew la wala kalo minw na wikɛni duuru lo be yen. I b’a fɛ ka kɛ piyɔniye kɔrɔsigi ye kalo minw na, o sɛbɛ kalandiriye kan. I ka ɲi ka porogramu min labato, o sɛbɛ fana.—Talenw 21:5.

VIDEWO NIN FILƐ: I KA KƐ . . . PIYƆNIYE JAGWƐLƐ YE. O KƆ, ƝININGALI NIN JAABI:

• Balimamuso Aamand ka koo b’a yira cogo di ko minw be jijalibaw kɛ walisa ka kɛ piyɔniye ye, Jehova b’u kanu ani a b’a janto u la?