Baara kɛcogo ni barokɛcogo modɛliw ye

Balimaw be baaraba lo kɛ walisa ka barokɛcogo modɛliw labɛn an ye. Ani, balima caaman y’a ye ko n’u be baara kɛ n’o barokɛcogo modɛliw ye u ka kafo ka kiinw kɔnɔ, u be sanga sɔrɔ u ka waajuli baara la. Nka, mɔgɔw ka koow cogoya tɛ kelen ye duniɲa yɔrɔ bɛɛ la. O kama waajuli kɛtɔ, weleweledalaw be se ka koow kɛ cogo wɛrɛ la wala u be se ka barokun wɛrɛ sugandi min bena diya mɔgɔw ye u ka mara la. Nka ni kanpaɲi kɛrɛnkɛrɛnnin lo, cikan minw dira kanpaɲi koo la, bɛɛ ka kan ka tugu o cikanw kɔ. An ka laɲinita ye ka Yezu ka cikan labato o min ye ka Masaya kibaro diiman fɔ mɔgɔw ye.—Mat. 24:14.

Ni weleweledalaw be kalan dɔ kɛra lajɛn na, barokun min be sɔrɔ barokɛcogo modɛli la an ka Lajɛnsɛbɛ kɔnɔ, u ka ɲi ka basigi o lo kan. Nka ɲiningali, vɛrise, ɲiningali minw labɛnna viziti kura kama, wala waajuli be kɛra koo min sen fɛ, u be se k’o yɛlɛma fɔɔ ni cikan wɛrɛ dira o koo la. O la, cikan minw tun dira saan 2020 zuwɛnkalo ka Lajɛnsɛbɛ ɲɛɛ 8nan na, yɛlɛmani dɔɔni donna u la.