I ye laɲinita jumanw lo latigɛ i yɛrɛ ye waajuli baara saan nata kama?

Ka laɲinitaw latigɛ Alako ta fan fɛ, o kɔrɔ ko ka jijali dɔw kɛ walisa ka baara kɛ Jehova ye bɛrɛbɛrɛ ani k’a ninsɔndiya. O laɲinitaw b’an dɛmɛ ka ɲɛtaga kɛ tiɲɛn sira kan ani kuun b’a la an ka wagati ta ani ka jijali kɛ o kosɔn (1Tim. 4:15). Mun na, an ka ɲi k’an ka laɲinitaw sɛgɛsɛgɛ tuma bɛɛ? An ka ɲi k’o kɛ sabu an ka koow cogoya be se ka yɛlɛma. An tun ye laɲinita minw latigɛ, n’a sɔrɔ an ben’a ye k’u dɔw bɛnnin tɛ tugun wala an y’u dafa ka ban ani an ka ɲi ka laɲinita wɛrɛw latigɛ an yɛrɛ ye.

An be se k’an ka laɲinitaw sɛgɛsɛgɛ wagati fisaman min na, o ye ka kɔn waajuli baara saan nata ɲɛ. Mun na, aw tɛ baro kɛ o kan aw ka gwa kɔnɔ batoli tuma na walisa k’a filɛ aw ka denbaya kɔnɔ, aw be se ka laɲinita minw latigɛ aw yɛrɛ ye ani aw ka denbaya kuru bɛɛ ye?

I ka laɲinitaw ye juman lo ye koo nunu na ani i bena mun lo kɛ walisa ka se k’u dafa?