I ye min kalan, o tilan ni tɔɔw ye

N’an be Bibulu sɛgɛsɛgɛ, o b’an nafa. Nga nafolofɛn minw y’an jija an ka kalan tuma na, n’an b’o kofɔ mɔgɔ wɛrɛw ye, o yɛrɛ lo b’an nafa kosɔbɛ. Talenw 11:25 b’a fɔ ko: “Mɔgɔ min be jii di minnɔgɔtɔ ma, o tigi yɛrɛ ka minnɔgɔ bena ban.”

An be sɛgɛsɛgɛri kɛ koo minw kan, n’an b’o tilan ni mɔgɔ wɛrɛw ye, o b’an dɛmɛ k’an hakili to o la ani k’o faamu bɛrɛbɛrɛ. N’an b’o nafolofɛnw tilan ni mɔgɔ wɛrɛw ye, o b’an ninsɔn diya sabu o b’u nafa.—Kɛw. 20:35.

Nin kɛ ka filɛ: Lɔgɔkun nata la, i ye nafolofɛn minw sɔrɔ, sababuw ɲini k’u tilan ni mɔgɔ wɛrɛw ye. I be se k’o tilan n’i somɔgɔw ye, i ka kafomɔgɔw, i baarakɛɲɔgɔnw, i ka lakɔli filankuruw, i sigiɲɔgɔnw, wala i be mɔgɔ minw kunbɛn waajuli la. I jija k’o ɲɛfɔ ka gwɛ cogo nɔgɔman na ani o kɛ i yɛrɛ kumacogo la.

Nin to i hakili la: Nafolofɛnw tilan ni tɔɔw ye walisa k’u jija. Nga kana o kɛ walisa k’i yɛrɛ yira.—1 Kor. 8:1.