A ɲini k’i ka waajuli kɛcogo fisaya: Baara kɛ koɲuman ni ɲiningaliw ye

MUN NA O KƆRƆTANIN LO: Ni “mɔgɔ kɔnɔnako be i ko jii min ka dun,” ɲiningaliw be i n’a fɔ foroko walisa k’o jii sama (Talenw 20:5). Ɲiningaliw b’an dɛmɛ k’an lamɛnbaga niin don baro la. N’an be ɲiningali ɲumanw sugandi, tuma dɔw la, u jaabiliw be se k’an dɛmɛ ka lamɛnbagaw ka miiriya lɔn. Yezu ye baara kɛ koɲuman ni ɲiningaliw ye. An be se k’a ladegi cogo di?

O BE KƐ COGO DI:

• Ɲiningali dɔw kɛ, minw bena lamɛnbaga lasun k’a ka miiriya fɔ: Yezu ye ɲiningali dɔw kɛ walisa k’a ka kalandenw ka miiriya lɔn (Mat. 16:13-16; be-F 238 § 3-5). I be se ka ɲiningali jumanw lo kɛ?

• Ɲiningali dɔw kɛ minw bena lamɛnbaga dɛmɛ ka jaabili ɲumanw sɔrɔ: Walisa ka Piyɛri ka miiriya latilen, Yezu ye ɲiningali kɛ ani a ye jaabili dɔw di walisa ka Piyɛri dɛmɛ ka jaabili ɲuman sɔrɔ (Mat. 17:24-26). I be se ka ɲiningali jumanw lo kɛ walisa i lamɛnbaga ka jaabili ɲuman sɔrɔ?

• I lamɛnbaga tando: Tuma min na sariya karamɔgɔ dɔ ye “jaabili kɛ ni hakilitigiya ye,” Yezu y’a tando (Mariki 12:34, Bible senuma). I be se k’i lamɛnbaga tando cogo di n’a ye ɲiningali dɔ jaabi?

VIDEWO NIN YƆRƆ FƆLƆ FILƐ: YEZU YE BAARA MIN KƐ, A LADEGI: MƆGƆW KALAN. O KƆ, ƝININGALI NUNU JAABI:

• Mun na o tɛ kalankɛcogo ɲuman ye, hali ni kalanfa be min fɔra, tiɲɛn lo?

• Mun na an man kan ka dan ɲɛfɔli dɔrɔn ma?

VIDEWO YƆRƆ FILANAN FILƐ. O KƆ, ƝININGALI NUNU JAABI:

• Balimacɛ ye baara kɛ koɲuman ni ɲiningaliw ye cogo di?

• An be se k’a ka kalankɛcogo wɛrɛ jumanw lo ladegi?