I be se ka kalan juman lo sɔrɔ ka bɔ kerecɛn kolɔnbagaw fɛ?

An ka kafow kɔnɔ, balima dɔw be yen minw ye baara kɛ Jehova ye kabi saan caaman. U y’u jigi la Jehova kan kosɔbɛ cogo min na, an be se ka kalan sɔrɔ o la. An be se k’u ɲininga Jehova ka ɔriganisasiyɔn koo la, u ye gwɛlɛya minw sɔrɔ, ani u ye see sɔrɔ u kan cogo min na Jehova ka dɛmɛ barika la. An yɛrɛ be se k’o balima kanulenw dɔ weele ka na an ka gwa kɔnɔ batoli la walisa a k’a ka walew lakali an ye.

N’i ye kerecɛn kolɔnbaga ye, sɔn k’i ka limaniya kofɔ kerecɛn kanbelew ni sunguruw ye. Yakuba ni Yusufu y’a fɔ u kɔmɔgɔw ye Jehova ye min bɛɛ kɛ olu ye (Zɛnɛzi 48:21, 22; 50:24, 25). Kɔfɛ, Jehova y’a ɲini sotigiw fɛ u k’u deenw kalan ale ka kabakow la (Deter. 4:9, 10; Zab. 78:4-7). An ka tile la, bangebagaw ni kafomɔgɔ tɔɔw y’a ye Jehova tɛmɛna a ka ɔriganisasiyɔn fɛ ka koo kabakoman minw kɛ, u be se k’u kofɔ kanbelew ni sunguruw ye.

VIDEWO NIN FILƐ: KELENYA, HALI NI BALI SIGIRA AN KA BATOLIKOW KAN. O KƆ, ƝININGALI NUNU JAABI:

• Bali sigira an ka batolikow kan yɔrɔ minw na, cogo juman na Otirisi Betɛli ye o yɔrɔ balimaw dɛmɛ?

• Balima minw b’o jamanaw na, mun lo y’u dɛmɛ u ka limaniya barika ma dɔgɔya?

• Mun na Rumani balima caaman tun faranna Jehova ka ɔriganisasiyɔn na? U kɔsegira ka na cogo di?

• O koow b’i ka limaniya barika bonya cogo di?