Yɔrɔ 8nan: An ka bibulukalanw kɛ minw be ɲɛtaga sɔrɔ

An ka kalanden ɲɛsin Jehova ka ɔriganisasiyɔn ma

¹ Kalan kɛtɔ ni mɔgɔw ye, an ka laɲinita tɛ k’u kalan Bibulu kalansiraw la dɔrɔn. Nka an b’a fɛ k’u dɛmɛ u ka kɛ kerecɛnya kafodenw ye fana (Zak. 8:23). Kitabunin Les Témoins de Jéhovah : Qui sont- ils ? Quelles sont leurs croyances ? be se k’an dɛmɛ k’o kɛ. An ka kelen di kalanden kuraw ma, ani an k’u jagwɛlɛya u k’a kalan. Ka fara o kan, an ka miniti damanin ta lɔgɔkun o lɔgɔkun ka hakilinata dɔ lajɛ ni kalanden ye Jehova ka ɔriganisasiyɔn kan.

² Kafo ka lajɛnw: Sababu kunba min be se ka kalandenw dɛmɛ ka Ala ka ɔriganisasiyɔn diya lɔn, o ye ka jɛn n’an ye kafo ka lajɛnw na (1 Kɔr. 14:24, 25). O kama, an be se k’a daminɛ k’u dɛmɛ u ka faamuyali sɔrɔ an ka lajɛnw koo la: an ka lɔgɔkun kɔnɔ lajɛn looru lakali u ye, n’an b’o kɛ kelen kelen. An ka forobakalan nata barokun fɔ u ye. Barokun minw bena kalan La Tour de Garde kalan na ani kafo ka kitabukalan na, an k’u yira u la. An ka Ala ka Mara cidenyabaara lakɔli ni waajuliko lajɛn kɛcogo lakali u ye. N’an bena kalan dɔ di lakɔli la, an be se k’a fɔ u k’a mɛn. Kalan min kɛra lajɛnw na, an k’u hakilinata kunbabaw tilan n’u ye. An ka tɛmɛ foto dɔw fɛ gafew kɔnɔ k’a yira u la min be kɛ lajɛnw na. An mana kalan fɔlɔ daminɛ n’u ye an k’u weele u ka na lajɛnw na kelen.

³ Ni Hakilijigi seli, lajɛnbaw ani kafokulu kɔrɔsibaga nali ka surun, an ka miniti damanin ta k’o koow ɲɛfɔ u ye ani k’u nege don u la. Dɔɔni, dɔɔni, an ka to ka ɲiningali ninw jaabi u ye: Mun na an tɔgɔ ko Jehova Seerew? Mun na an b’an ka lajɛnw kɛyɔrɔw weele ko Masaya Boonw? Diinan mɔgɔkɔrɔw ni kɔrɔsigi cidenw ka kunkanbaaraw ye jumanw ye? Waajuli baara ni waajuli kɛyɔrɔw koo labɛnnen be cogo di? An ka gafew be bɔ cogo di? An ka ɔriganisasiyɔn ka musakaw be sara cogo di? Tɔnbolo ni Koow Ɲɛnabɔla Jɛnkulu be kɔrɔsili baara juman kɛ?

⁴ Videwow, minw be mɔgɔ kalan: Bibulu kalandenw ɲɛɛ be se ka la ɔriganisasiyɔn ka koow kan videwo ninw sababu fɛ: Jusqu’aux extrémités de la terre, Toute la communauté de nos frères, ani Unis grâce à l’enseignement divin. O videwow be se k’u dɛmɛ u k’a ye cogo min na an ka baara be kɛra fɔɔ dugukolo daan na. U bena bɔ an balimaw bɛɛ jɛnkulu kala ma, ani u bena a ye ko Ala ka kalan b’an kanbɛn. Muso dɔ tun b’an ka zurunaliw n’an ka gafew kalan kabini saan looru. Videwo nin filɛli ye kasi bila a la: Les Témoins de Jéhovah : un nom, une organisation. Balima minw tun be to ka na bɔ a ye, a lanen tun be olu la. Nka videwo filɛli kɔ, a y’a ye ko a be se ka la Jehova ka ɔriganisasiyɔn fana la. Bibulukalan daminɛna n’a ye, ani lɔgɔkun nɔfɛta la, a tagara lajɛnw na Masaya Boon kɔnɔ.

⁵ N’an be miniti damaninw ta ka baro kɛ n’an ka kalandenw ye lɔgɔkun o lɔgɔkun, ani n’an be baara kɛ n’an ka gafew ni videwow ye, an be se ka kalandenw ɲɛsin Ala ka ɔriganisasiyɔn ma dɔɔni dɔɔni, Jehova be baara kɛ n’o kelenpe min ye bi tile la.

[Study Questions]

1. Bibulukalan kɛtɔ, mun na nafa b’a la an ka hakilinata dɔ lajɛ ni kalanden ye Jehova ka ɔriganisasiyɔn kan lɔgɔkun o lɔgɔkun?

2. Cogo juman na an be se ka Bibulu kalandenw jagwɛlɛya u ka na kafo ka lajɛnw na?

3. An be se ka baro kɛ ɔriganisasiyɔn ka koow jumanw kan?

4, 5. Cogo juman na an ka videwow be se k’a to Jehova ka ɔriganisasiyɔn koo be diya mɔgɔw ye?