26 Esi Saul va to la ƒe akpa ɖeka la, David kple eƒe amewo hã le to la ƒe akpa kemɛ. Eya ta David wɔ kaba be yeasi+ le Saul nu, le ɣeyiɣi sia me la, Saul kple eƒe amewo ɖe to ɖe David kple eƒe amewo be yewoalé wo.+ 27 Kasia dɔla aɖe va Saul gbɔ va gblɔ be: “Va kaba, elabena Filistitɔwo va ƒo ɖe anyigba la dzi!” 28 Enumake Saul gbugbɔ le David yome,+ eye wòyi ɖakpe aʋa kple Filistitɔwo. Esia tae woyɔ teƒe ma be Kaklãgakpe.

21 Esi ŋutsuawo dzo la, wodo go le vudoa me yi ɖagblɔe na Fia David. Wogblɔ nɛ be: “Tso, eye netsɔ nàtso tɔa kaba, elabena ale kple ale Ahitofel ɖo ɖe ŋuwò.”+ 22 Enumake David kple ame siwo katã le eŋu la tso, eye wotso Yordan-tɔsisia. Kaka ŋu nake la, ame aɖeke mekpɔtɔ si metso Yordan o.