• 2 Fiawo 25:8-10
    Ŋɔŋlɔ Kɔkɔeawo—Xexe Yeye Gɔmeɖeɖe

    • 8 Le ɣleti atɔ̃lia ƒe ŋkeke adrelia dzi si nye Babilon-fia Nebukadnezar ƒe ƒe wuiasiekelia me la, fiaŋudzɔlawo ƒe amegã Nebuzaradan,+ si nye Babilon-fia ƒe dɔla va Yerusalem.+ 9 Etɔ dzo Yehowa ƒe aƒe+ la kple fia ƒe aƒe*+ kpakple aƒe siwo katã le Yerusalem,+ eye wòtɔ dzo ame ŋkutawo katã ƒe aƒewo.+ 10 Kaldeatɔwo ƒe aʋakɔ blibo si le fiaŋudzɔlawo ƒe amegã ŋu la gbã Yerusalem gliwo katã ƒu anyi.+

  • 2 Kronika 34:24, 25
    Ŋɔŋlɔ Kɔkɔeawo—Xexe Yeye Gɔmeɖeɖe

    • 24 “Ale Yehowa gblɔe nye esi, ‘Kpɔ ɖa, mehe vɔ̃ gbɔna, ɛ̃, fiƒode siwo katã woŋlɔ ɖe agbalẽ+ si woxlẽ le Yuda-fia ŋkume la me ava teƒe sia kple emenɔlawo dzi.+ 25 Elabena wogblẽm ɖi,+ eye woyi ɖado dzudzɔ na mawu bubuwo, ne woatsɔ woƒe asinudɔwɔwɔwo katã ado dziku nam.+ Eya ta nye dɔmedzoe akɔ ɖe teƒe sia dzi, eye womatsii o.’”+

  • 2 Kronika 36:16, 17
    Ŋɔŋlɔ Kɔkɔeawo—Xexe Yeye Gɔmeɖeɖe

    • 16 Gake woɖea alɔme le Mawu vavã la ƒe dɔlawo ŋu,+ wodoa vlo eƒe nyawo,+ eye woɖua fewu le eƒe nyagblɔɖilawo ŋu,+ va se ɖe esime Yehowa ƒe dɔmedzoe bi ɖe eƒe dukɔ la ŋu,+ va se ɖe esime gbedada aɖeke megale wo ŋu o.

      17 Eya ta Mawu kplɔ Kaldea-fia+ va ƒu wo, eye wòtsɔ yi wu woƒe ɖekakpuiwo+ le woƒe kɔkɔeƒe la ƒe aƒe la me;+ eye mekpɔ nublanui na ɖekakpui alo ɖetugbui, ame tsitsi alo ame si ŋu wɔna vɔ le o.+ Etsɔ nu sia nu de asi nɛ.+