“Egipte-fia Farao, kpɔ ɖa, metso ɖe ŋuwò,+

Wò, ƒumelã klitsu si dra ɖe wò Nil-tɔsisi* me+

Hele gbɔgblɔm be, ‘Tɔnyee Nil-tɔsisi la nye,

Nye ŋutɔe wɔe na ɖokuinye.’+

2 “Amegbetɔvi, to konyifaha ɖe Egipte-fia Farao ŋu, eye nàgblɔ nɛ be,

‘Èle abe dzatatsu* ene le dukɔwo dome,

Ke wona ɖoɖoe zi le nuwò.

Èle abe ƒumelã klitsu+ ene le tɔwo me, ètia kpo le wò tɔsisiwo me,

Ètsɔa wò afɔ blua tɔwoe, eye nèƒoa ɖi tɔsisiawo.’