46 “Ale Aƒetɔ Dziɖulagã Yehowa gblɔe nye esi: ‘Xɔxɔnu emetɔ ƒe ɣedzeƒegbo+ la nanɔ tutu+ le dɔwɔŋkeke adeawo dzi,+ ke ne eɖo Sabat kple dzinu yeye dzi la, woaʋui. 2 Amegã la nato agbo la ƒe akpata nu le gota age ɖe eme,+ eye wòava tɔ ɖe agbo la ƒe ʋɔtruti gbɔ. Nunɔlawo nasa eƒe numevɔ blibo kple eƒe ŋutifafavɔwo nɛ, eye wòade ta agu le agbo la ƒe kpui nu, emegbe wòado go. Ke womatu agbo la o va se ɖe fiẽ.