59 Ɣemaɣi la, nunɔlawo ƒe tatɔwo kple Sanhedrin* blibo la le ame siwo aɖi aʋatsoɖase le Yesu ŋu la dim, ne woawui.+ 60 Gake womekpɔ ɖeke o, evɔ aʋatsoɖasefo geɖewo va hafi.+ Emegbe ame eve va 61 gblɔ be: “Ame sia gblɔ be, ‘Mate ŋu amu Mawu ƒe gbedoxɔ la aƒu anyi agagbugbɔe atu le ŋkeke etɔ̃ me.’”+

39 Eye ame siwo to teƒea va yina la dzui+ heʋuʋu ta+ 40 gblɔ be: “Wò ame si gblɔ be yeamu gbedoxɔ la aƒu anyi ahagbugbɔe atu le ŋkeke etɔ̃ me,+ ɖe ɖokuiwò azɔ! Ne Mawu ƒe vie nènye la, ekema ɖi le fuwɔameti* la ŋu!”+

57 Ame bubu aɖewo hã tsi tsitre hele aʋatsoɖase ɖim le eŋu be: 58 “Míesee wògblɔ be, ‘Magbã gbedoxɔ sia si wotsɔ asi wɔe la, eye le ŋkeke etɔ̃ me la, matu bubu si wometsɔ asi wɔe o.’”+