5 Ke Mawu si naa dzidodo kple akɔfafa la nena tamesusu ƒe nɔnɔme si tututu nɔ Kristo Yesu si la nanɔ miawo hã mia si le mia nɔewo dome, 6 be miatsɔ tame ɖeka+ kple nusɔsɔe akafu mía Aƒetɔ Yesu Kristo ƒe Mawu, si nye Fofoa.

10 Ke mele nu xlɔ̃m mi, nɔviwo, le mía Aƒetɔ Yesu Kristo ƒe ŋkɔ me be, mi katã miaƒe nu nasɔ, eye mama naganɔ mia dome o,+ ke boŋ miawɔ ɖeka bliboe le susu kple nuŋububu ɖeka ma ke me.+

11 Mlɔeba la, nɔviwo, miyi edzi mianɔ dzidzɔ kpɔm, mina woanɔ mia ɖɔm ɖo, woanɔ akɔ fam na mi,+ miaƒe tamesusu nanɔ ɖeka,+ minɔ anyi le ŋutifafa me;+ eye lɔlɔ̃ kple ŋutifafa ƒe Mawu+ la anɔ anyi kpli mi.

2 mina nye dzidzɔ la nagba go to esia me be, susu ɖeka kple lɔlɔ̃ ɖekae le mia si, miewɔ ɖeka,* eye tamesusu ɖeka le mia si.+

8 Mlɔeba la, mi katã miaƒe susu nawɔ ɖeka,+ mise veve ɖe ame nu, milɔ̃ mia nɔewo abe dadaviwo ene, miaƒe dɔme natrɔ ɖe ame ŋu,+ mibɔbɔ mia ɖokui ɖe anyi.+